Хүү Тэнгэрбурхан (23) – Монгол дахь

Залил

Есүс Эзэн

Аяа, Есүс Эзэн минь.
Миний төлөө онгоц тэвшинд мэндлэсэн үедээ уйлах дуугаараа уламжлан, Миний төлөө загалмай дээр амьсгал хураасан үедээ урсах нулимсаараа уламжлан,Миний төлөө ариун гэрт орших үедээ ундрах хайраараа уламжлан, та намайг өршөөж, намайг аварна уу.
Амэн.

Чулуун зүрх сэтгэлийг надаас салгана уу

Аяа, Эзэн минь. Та чулуун, хатуу, бузар зүрх сэтгэлийг надаас салгаж, шинэ, зөөлөн, цэвэр зүрх сэтгэлийг надад хайрлана уу!
Аяа, та надад өндрөөс өндөр, дотноос дотно байдаг бөгөөд бузар зүрх сэтгэлийг ариусгаж, цэвэр зүрх сэтгэлийг хайрладаг болохоор та зүрх сэтгэлийг минь эзэмдэн оршиж, өөрийн оршихуйгаар түүнийг дүүргэж, бялхаана уу!
Аяа, та бол гоо үзэсгэлэнгийн хэлбэр дүрс, ариун гэгээн байдлын тамга тэмдэг болохоор зүрх сэтгэлийг минь өөрийн хэлбэр дүрсээр, энэрэл нигүүлслээр тамгална уу!
Аяа, миний зүрх сэтгэлийн Тэнгэрбурхан, мөнхөд миний хувь заяаны Тэнгэрбурхан! Амэн.

Эзэн минь, өөрийгөө мэдсүгэй!

Аяа, Есүс Эзэн минь,
Өөрийгөө мэдэж, таныг мэдсүгэй.
Танаас гадна өөр зүйлсийг бүү эрмэлзсүгэй.
Өөрийгөө үзэн ядаж, таныг хайрласугай.
Таны тул хамаг зүйлсийг үйлдсүгэй.
Өөрийгөө дорд үзэж, таныг өргөмжилсүгэй.
Танаас гадна өөр зүйлийг бүү бодсугай.
Өөрийгөө үгүйсгэж, танаар амьд явсугай.
Танаас хамаг зүйлсийг хүлээн авсугай.
Өөрийгөө умартаж, таныг дагасугай.
Таныг үргэлжид дагасугай.
Өөрөөсөө зугтаж, танд хорогдсугай.
Танаар ивээгдэх зохистой нэгэн болсугай.
Өөрөөсөө айж, танаас эмээсүгэй.
Танд сонгогдогсдын дундах нэгэн болсугай.
Өөрөөсөө сэрэмжилж, танд итгэсүгэй.
Таны тул танд дуулгавартай болохыг эрмэлзсүгэй.
Танаас гадна өөр зүйлст бүү хорогдсугай.
Таны тул ядуу даржин амьдарсугай.
Таныг хайрлахын тул намайг харна уу.
Таныг харахын тул, Тантай мөнхөд нөхөрлөхийн тул намайг дуудна уу. Амэн.

Августин гэгээнтэн (354-430)

Туйлын зөөлөн Цагаатгагч Есүс

(Хүн төрөлхтнийг Есүс Христэд зориулах энэхүү зориулалтын өчиг нь өөртөө бага өршөөлийг хүртээх эрхийг багтаадаг юм. Христ Хааны баярын өдөр нийтээр уншваас их өршөөлийг хүртэх болно.)

Аяа, туйлын зөөлөн Есүс, хүн төрөлхтнийг Цагаатгагч минь. Та мэлмийн тань өмнө тахимдаж буй биднийг тольдоно уу. Бид таных, бид таных болохыг эрмэлздэг билээ. Харин, тантай нягт нэгдэлтэй болохын тулд
бид өөрсдийгөө энэ өдөр таны ариун нандин Зүрх сэтгэлд дуртайяа өргөж байна. Олон хүн таныг таньдаггүй, олон хүн таны бошгийг зөрчдөг, олон хүн танаас татгалздаг. Аяа, туйлын өршөөлт Есүс ээ!
Та тэднийг өршөөж, өөрийн ариун нандин Зүрх лүү эргүүлэн өөрчилнө үү.
Аяа, Эзэн минь. Зөвхөн танаас огоот үл салсан итгэгчдэд бус харин танаас салж явсан үрэлгэн хөвгүүдэд та тэдний хаан байх болтугай. Та тэднийг Эцэгийнхээ гэр лүү үтэр эргүүлж, тэднийг үгүйрэл, өлсгөлөнгөөс болж хүчин мөхөстөхгүй байлгаж соёрхоно уу.
Аяа, Эзэн минь. Буруу үзлийн улмаас шантарсан эсхүл эвдрэлийн улмаас салсан хүмүүсийг та дуудаж, үнэн, итгэл бишрэлийн хоргодох газар луу эргүүлж, тэдний хаан байх болтугай.
Тиймийн тул удахгүй нэг сүрэг, ганц хоньчин болох болно.
Аяа, Эзэн минь. Та Шашиндаа сэвтээгүй аюулгүй байдал ба эрх чөлөөг, бүх үндэстнүүдэд дэг журмын амарлингуй байдлыг хайрлан соёрхоно уу. Тиймийн тул зүг зүгээс нэгэн дууг газар дэлхийд өргөх болно:
биднийг аварсан тэнгэрлэг Зүрх магтагдах болтугай.
Түүнд жавхлан, хүндлэл үүрд мөнхөд байх болтугай.
Амэн.

Есүс, зүйрлэшгүй зөөлөн хүүхэд

“Тэжээлийн тэвшинд байх даавуунд өлгийдсөн нялх хүүхдийг та нар олж харна. Энэ нь та нарт тэмдэг болно гэлээ. Гэнэт өнөөх тэнгэр элчийн хамт олон
тооны тэнгэрлэг дайчид үзэгдэж, Тэнгэрбурханыг магтан, – Дээр өндөрт алдар нь Тэнгэрбурханд байх болтугай, доор газарт амар тайван нь түүний
тааллыг олсон хүмүүст байх болтугай гэцгээв.” (Лук 2:12-14)

Есүс, зүйрлэшгүй зөөлөн хүүхэд
(Iesu infans dulcissime – Jesus, Sweetest Child)

У. Аяа, Тэнгэрбурхан минь, надад дэм үзүүлнэ үү
Н. Аяа, Эзэн минь, надад түргэн тусална уу
У. Эцэг, Хүү, Ариун Сүнсийг магтан дуулъя.
Н. Эцэг, Хүү, Ариун Сүнсэнд жавхланг эхэн цагт байсан мэт аливаа цагт болготугай. Амэн.

Тэнгэр дэх Эцэг минь ээ.
I
Есүс, зүйрлэшгүй зөөлөн хүүхэд, та бидний авралын төлөө Эцэгийнхээ өврөөс бууж, Ариун Сүнсээр бүрэлдэж, Охины хэвлийгээс татгалзалгүй Үг бие махбод болж, зардсын дүрийг хүлээн зөвшөөрчээ. Биднийг нигүүлсэн соёрхоно уу.
Н. Есүс, зүйрлэшгүй зөөлөн хүүхэд, биднийг нигүүлсэж, та биднийг нигүүлсэн соёрхоно уу. Амар амгалан Мариа минь ээ.

Есүс, зүйрлэшгүй зөөлөн хүүхэд, та Охин Эхээрээ уламжлан Елизабетад зочилж, өөрийн зөгнөгч болох Иохан Баптистад Ариун Сүнсээрээ бялхсан бөгөөд түүнийг эхийн хэвлийд ахуйд ариусгажээ. Биднийг нигүүлсэн соёрхоно уу.

Н. Есүс, зүйрлэшгүй зөөлөн хүүхэд, биднийг нигүүлсэж, та биднийг нигүүлсэн соёрхоно уу. Амар амгалан Мариа минь ээ.

III

Есүс, зүйрлэшгүй зөөлөн хүүхэд, та эхийнхээ хэвлийд есөн сар тээгдэж, Цэвэр Охин Мариа, Иосеф гэгээнтэн нарыг гүн бат эрмэлзэлтэй болгосон бөгөөд

та дэлхийн авралын төлөө Тэнгэрбурхан Эцэгт өргөгдсөн билээ. Биднийг нигүүлсэн соёрхоно уу.

Есүс, зүйрлэшгүй зөөлөн хүүхэд, та Бетлехемд Цэвэр Охиноос мэндэлж, өлгийд манцуйлагдаж, тэжээлийн тэвшинд хэвтсэн бөгөөд тэнгэр элч таныг тунхаглаж, хоньчид танд зочилжээ. Биднийг нигүүлсэн соёрхоно уу.

Н. Есүс, зүйрлэшгүй зөөлөн хүүхэд, биднийг нигүүлсэж, та биднийг нигүүлсэн соёрхоно уу. Амар амгалан Мариа минь ээ. Аяа, Цэвэр Охиноос мэндэлсэн Есүс минь, танд болон Эцэг, Ариун Сүнсэнд сүр жавхланг үүрд мөнхөд болготугай. Амэн.

У. Христ бидэнд ойрхон байна.

Н. Ирж, түүнд мөргөсүгэй Тэнгэр дэх Эцэг минь ээ.

Есүс, зүйрлэшгүй зөөлөн хүүхэд, та найман өдрийн дараа хозлох ёсыг гүйцэтгүүлж, та алдарт нэрээр Есүс хэмээн нэрлэгдсэн бөгөөд таны эрдэнэт цус, алдарт нэр авралын томилолтыг зөгнөжээ. Биднийг нигүүлсэн соёрхоно уу.

Есүс, зүйрлэшгүй зөөлөн хүүхэд, Цэцэн гурван хаан одын удирдлага дор таныг илрүүлж, Эхийн өвөр дээрх таныг шүтэн биширсэн бөгөөд танд алт, гүгэл, мир нууцлаг гурван хишгийг өргөн барьжээ. Биднийг нигүүлсэн соёрхоно уу.

VII

Есүс, зүйрлэшгүй зөөлөн хүүхэд, таныг Охин Эх тань сүм хийдэд өргөж, Симеон таныг тэвэрсэн бөгөөд зөнч Анна таныг Израильд илчилжээ. Биднийг нигүүлсэн соёрхоно уу.

VIII

Есүс, зүйрлэшгүй зөөлөн хүүхэд, харгис хаан Херод таныг цаазлахаар эрэн сурвалжилсан бөгөөд Иосеф гэгээнтэн таныг эхтэй тань хамт авч Египет уруу

зугтжээ. Та харгис үхлийн аюулаас гэтэлсэн бөгөөд гэм хоргүй тарчлагчид таныг алдаршуулжээ. Биднийг нигүүлсэн соёрхоно уу.

Аяа, Цэвэр Охиноос мэндэлсэн Есүс минь, танд болон Эцэг, Ариун Сүнсэнд сүр жавхланг үүрд мөнхөд болготугай. Амэн.

У. Христ бидэнд ойрхон байна.

Н. Ирж, түүнд мөргөсүгэй Тэнгэр дэх Эцэг минь ээ.

Есүс, зүйрлэшгүй зөөлөн хүүхэд, та Херод хааныг үхэх хүртэл туйлын ариун Мариа, өрхийн тэргүүн Иосеф гэгээнтний хамт Египетэд амьдарчээ. Биднийг

нигүүлсэн соёрхоно уу.

Есүс, зүйрлэшгүй зөөлөн хүүхэд, та эцэг эхтэйгээ Египетээс Израиль нутагтаа буцаж, замдаа цөөнгүй гашуун зовлонг үзсэн бөгөөд Назар хотод хүрчээ.

Биднийг нигүүлсэн соёрхоно уу.

Есүс, зүйрлэшгүй зөөлөн хүүхэд, та Назар хотын ариун гэртээ ариунаар амьдарч, эцэг эхдээ дуулгавартай байж, ажил ба ядуурлаас болж зүдэрсэн бөгөөд таны амь нас, билиг ухаан, хишиг ивээл батажсаар байжээ. Биднийг нигүүлсэн соёрхоно уу.

XII

Есүс, зүйрлэшгүй зөөлөн хүүхэд, та арван хоёртой байхдаа Иерусалим хотыг зорьж, тэнд эцэг эх тань таныг түгшүүртэйгээр эрж хайсан бөгөөд таныг

гурван өдрийн дараа багш нарын дундаас баяртайгаар олжээ. Биднийг нигүүлсэн соёрхоно уу.

Христ мэндэлсэн баяр ёслолын өдөр ба найм хоногт

зориулав:

У. Үг бие махбод болсон, аллэлуяа.

Н. Тэрээр бидний дунд амьдарчээ, аллэлуяа. Илрэлтийн баяр ёслолын өдөр ба найман хоногт зориулав:

У. Христ өөрийгөө бидэнд илчилсэн, аллэлуяа.

Н. Ирж, түүнд мөргөсүгэй, аллэлуяа. Жилийн туршид зориулав:

У. Үг бие махбод болсон.

Н. Тэрээр бидний дунд амьдарчээ.

Залбирцгаая:

Төгс хүчит, мөнхийн Тэнгэрбурхан, тэнгэр газрын Эзэн минь, та өөрийгөө балчир хүүхдүүдэд илчилдэг болохоор таны ариун Хүү Есүсийн бага насны

нууцуудыг хүндтэйгээр тунгаан бодож, тэдгээрийг үнэнчээр дууриан дагахдаа хүүхдүүддээ таны амласан тэнгэрийн оронд бид очих зохистой болтугай

хэмээн танаас залбиран гуйж байна. Есүс Христ бидний Эзэнээр уламжлан тийн болтугай. Амэн.

Амар амгалан ариун загалмай минь, хүчин чадал минь

“Загалмайн үг нь мөхөгсдийн хувьд мунхаг явдал боловч аврагдаж байгаа бидний хувьд Тэнгэрбурханы хүчин чадал мөн.” (1 Коринт 1:18)

Амар амгалан ариун загалмай минь, хүчин чадал минь

(Ave, crux sancta, virtus nostra – Hail, Holy Cross, our Strength)

Амар амгалан ариун загалмай минь, хүчин чадал минь

Амар амгалан бишрэлт загалмай минь, сүр жавхлан минь

Амар амгалан загалмай минь, тусламж ба хоргодох газар минь

Амар амгалан загалмай минь, шаналагчийг тайтгаруулагч минь

Амар сайн уу, загалмай минь, ялалт ба найдвар минь

Амар сайн уу, загалмай минь, өмгөөлөл ба амьд явахуй минь

Амар сайн уу, загалмай минь, цагаатгал ба чөлөөлөлт минь

Амар сайн уу, загалмай минь, авралын тэмдэг ба хамгаалалтын хана минь

Загалмайг үргэлжид Христэд итгэх миний найдвар болгох болтугай.

Загалмайг үхлийг туулсан миний амилалт болгох болтугай.

Загалмайг ад чөтгөрийг ялсан миний ялалт болгох болтугай.

Загалмайг миний тайтгарлын эх болгох болтугай.

Загалмайг миний зовлонгийн тайвшрал болгох болтугай.

Загалмайг миний өндөр насны тулах таяг болгох болтугай.

Загалмайг миний өвчнийг илаарьшуулах эм болгох болтугай.

Загалмайг миний биед нөмөргөх нөмрөг болгох болтугай.

Загалмайг миний амьд явахуйн баясал болгох болтугай.

Загалмайг миний бэрхшээлийн тайвшрал болгох болтугай.

Загалмайг миний зүдгүүрийн гарц болгох болтугай.

Загалмайг миний өвчин эмгэгийн эдгэрэл ба миний өстөн дайснуудын өмнөх бэхлэлт болгох болтугай.

Амэн.

Загалмайн өлмийн өмнөх даатгал залбирал

Аяа, дээдийн дээд, төгс алдарт Тэнгэрбурхан минь.
Та миний зүрх сэтгэлийн харанхуйг сарниулж, намайг гийгүүлнэ үү.
Аяа, Эзэн минь. Та надад цэвэр итгэл бишрэл, бат горьдол найдвар, төгс энэрэл хайр, мэдрэмж ба эрдэм мэдлэгийг хайрлан соёрхоно уу. Тиймийн тул би таны ариун, үнэн бошгийг биелүүлэх болно. Амэн.

Ассиси хотын Францис гэгээнтэн (1181-1226)

Ариун нандин загалмай, намайг авраач!

Ариун нандин загалмай минь. Та Есүсийн биеэр адислагдаж, түүний эрхтнүүдтэй нэгтгэгдсэн нэгдлээр сувд мэтээр чимэглэгдсэн байсан бөгөөд
бидний авралын үнэ цэнийг тэврэх зохистой болж, бидэнд мөнхийн амьдралыг хайрласан билээ. Ариун нандин загалмай минь, намайг аварна уу!
Аяа, сайн Есүс ээ, та намайг ариун загалмайн тэмдэг ба түүний цагаатгалаар уламжлан өстөн дайснуудын минь довтлолоос чөлөөлж, намайг өөрийн сайн сайханд байршуулж, гэм нүглээс минь ангижруулж, өөрийн өршөөлөө надад хайрлана уу. Та бол үүрд мөнхөд оршиж, хаанчилдаг Тэнгэрбурхан билээ. Амэн.

Танд бид өргөн барья

Аяа, Есүс Христ минь. Загалмайн дэргэд зогссон таны болон өөрсдийн Эх Мариагийн гавьяаг бид танд өргөн барья. Тиймийн тул бид таны Тарчлалт ба Үхлийн баяр жаргалт үр шимийг түүний итгэлт зуучлалын залбирлаар уламжлан хүртэх болно. Амэн.

Есүсийн туйлын ариун нандин зүрхэнд зориулсан өдөр тутмын даатгал залбирал

“Буулгыг минь өөр дээрээ авч, надаас суралц. Учир нь би зүрх сэтгэлдээ дөлгөөн, даруу билээ.” (Матай 12:29)

Есүсийн туйлын ариун нандин зүрхэнд зориулсан өдөр тутмын даатгал залбирал

Аяа, Есүс Христ Эзэн минь. Таны туйлын ариун нандин зүрхээр уламжлан Тэнгэрбурханыг магтаж, тухайн үед таны өргөсөн тэнгэрлэг залбирал ба эдүгээ болон цагийн эцэс хүртэл Эвхаристын үндсэн ёслолоор уламжлан газар сайгүй давтагдаж буй энэхэн залбиралтай нэгтгэгдсэн би Төгс Жаргалт Цэвэр Охин Мариагийн туйлын ариун нандин зүрхийг үлгэрлэн дууриаснаараа эл бүхэл өдрөөр уламжлан өөрийн бодол санаа, хүсэл эрмэлзэл, үг хэл, ажил үйлийг танд өргөн барья. Амэн.

Дээдийн дээд Тэнгэрбурханы дүрслэшгүй гоо үзэмж

Аяа, Тэнгэрбурханы дүрслэшгүй гоо үзэмж, мөнхийн гэгээн гэрлийн туйлын цэвэр гялбаа, хамаг амьдсыг амьдруулсан амьдрал, хамаг гэрлийг гийгүүлсэн

гэрэл минь. Анх цагаас тэнгэрлэг сэнтийн тань өмнө гялалзан буй тоолж баршгүй гэгээн гэрлүүдийг та өөрийн мөнхийн цог жавхаандаа хамгаалсаар байдаг билээ.

Аяа, ойртошгүй мөнхийн эх булаг, аяа тунгалаг зөөлөн рашаан минь. Та хүмүүсийн нүдэнд үл үзэгдэх бөгөөд та хэмжээлшгүй, таны цэвэр ариун

хувиршгүй билээ.

Танаас урссан гол мөрөн Тэнгэрбурханы хот орныг баярлуулдаг болохоор бид баярын уухайгаар таны агуу сүр жавхланг тунхаглаж, танд магтаалыг

өргөдөг. Үнэндээ таны хажууд амьдралын эх булаг байдаг бөгөөд таны гэгээн гэрэлд бид гэгээн гэрлийг хардаг гэдгээ бид өөрсдийн туршлагаас мэдэж авсан билээ. Амэн.

Бонавентур гэгээнтэн (1218-1274)

Аяа, нигүүлсэхүй Эцэг

Аяа, нигүүлсэхүй Эцэг, сайн сайхны эх булаг минь.
Та надад өөртөө болон хөршдөө зориулах амьд итгэл бишрэлийн хишиг ивээл, бат бэх горьдол найдвар, гал дөлтэй энэрэл хайрыг хайрлан соёрхоно уу. Бүх гэм нүглээ гэмшсэн үнэнч гэмшил ба таныг үүрд үл доромжлох сэтгэл шулуудалтын хишиг ивээлийг та надад бас хайрлана уу. Тиймийн тул би таны
тэнгэрлэг сайн сайхны ёсоор үргэлжид амьдарч, өгөөмөр сэтгэлээр бүх үйлст таны дур тааллыг дагаж, насан эцэслэх хүртлээ таны хайранд үүрд үнэнч байх
болно.
Би үүнийг өөрийн Эзэн ба Цагаатгагч, таны сэтгэлээсээ хайрласан Хүү Есүсийн туйлын ариун нандин зүрхээр уламжлан танаас залбиран гуйж
байна. Амэн.

Есүсийн туйлын ариун нандин зүрхний гуйлтын залбирал

(Тус гуйлтын залбирал нь бага өршөөлийг хүртээх эрхийг

багтаадаг юм.)

Эзэн минь, биднийг өршөөгөөрэй,

Н. Эзэн минь, биднийг өршөөгөөрэй.

Христ минь, биднийг өршөөгөөрэй,

Н. Христ минь, биднийг өршөөгөөрэй.

Эзэн минь, биднийг өршөөгөөрэй,

Н. Эзэн минь, биднийг өршөөгөөрэй.

Христ минь, биднийг сонордоорой,

Н. Христ минь, биднийг сонордоорой.

Христ минь, биднийг өршөөн сонордоорой,

Н. Христ минь, биднийг өршөөн сонордоорой.

Тэнгэр дэх Эцэг, Тэнгэрбурхан минь,

Н. Биднийг өршөөгөөрэй.

Ертөнцийг аврагч Хүү, Тэнгэрбурхан минь,

Н. Биднийг өршөөгөөрэй.

Ариун Сүнс, Тэнгэрбурхан минь,

Н. Биднийг өршөөгөөрэй.

Ариун Гурвал, гагц Тэнгэрбурхан минь,

Н. Биднийг өршөөгөөрэй.

Мөнхийн Эцэгийн Хүү, Есүсийн зүрх ээ,

Н. Биднийг өршөөгөөрэй.

Охин Мариагийн хэвлийд Ариун Сүнсээр бүрэлдсэн

зүрх, Есүсийн зүрх ээ,

Н. Биднийг өршөөгөөрэй.

Тэнгэрбурханы Үгтэй бодистойгоор нэгтгэгдсэн

зүрх, Есүсийн зүрх ээ,

Н. Биднийг өршөөгөөрэй.

Хэмжээлшгүй сүр жавхлант зүрх, Есүсийн зүрх ээ,

Н. Биднийг өршөөгөөрэй.

Тэнгэрбурханы ариун нандин сүм хийд, Есүсийн

зүрх ээ,

Н. Биднийг өршөөгөөрэй.

Туйлын дээд ариун гэр, Есүсийн зүрх ээ,

Н. Биднийг өршөөгөөрэй.

Тэнгэрбурханы орд, тэнгэрийн үүд, Есүсийн зүрх ээ,

Н. Биднийг өршөөгөөрэй.

Энэрэл хайрын гал дөл, Есүсийн зүрх ээ,

Н. Биднийг өршөөгөөрэй.

Шударга ёс, энэрэл хайрын бумба, Есүсийн зүрх ээ,

Н. Биднийг өршөөгөөрэй.

Сайн сайхан, энэрэл хайраар бялхам зүрх, Есүсийн

зүрх ээ,

Н. Биднийг өршөөгөөрэй.

Хамаг эрдэм буяны гүн далай, Есүсийн зүрх ээ,

Н. Биднийг өршөөгөөрэй.

Хамаг магтаалаар магтагдваас нэн зохист Есүсийн

зүрх ээ,

Н. Биднийг өршөөгөөрэй.

Хамаг зүрхний хаан, зүглүүлэгч, Есүсийн зүрх ээ,

Н. Биднийг өршөөгөөрэй.

Мэдлэг ухаан, мэргэн ухааны хамаг эрдэнэсийн сан,

Есүсийн зүрх ээ,

Н. Биднийг өршөөгөөрэй.

Төгс тэнгэрлэг чанарын сууц хүрээ, Есүсийн зүрх ээ,

Н. Биднийг өршөөгөөрэй.

Эцэгт туйлын тааламжит зүрх, Есүсийн зүрх ээ,

Н. Биднийг өршөөгөөрэй.

Төгс чанараасаа бидэнд хишгийг түгээгч, Есүсийн

зүрх ээ,

Н. Биднийг өршөөгөөрэй.

Мөнх уулсын эрмэлзэл, Есүсийн зүрх ээ,

Н. Биднийг өршөөгөөрэй.

Хүлцэлт, нигүүлсэнгүй зүрх, Есүсийн зүрх ээ,

Н. Биднийг өршөөгөөрэй.

Танаас гуйсан хүмүүсийг баяжуулагч эх булаг,

Есүсийн зүрх ээ,

Н. Биднийг өршөөгөөрэй.

Ариун гэгээн байдал, амьд явахуйн эх сурвалж,

Есүсийн зүрх ээ,

Н. Биднийг өршөөгөөрэй.

Бидний гэм нүглийн уучлал өршөөл, Есүсийн зүрх ээ,

Н. Биднийг өршөөгөөрэй.

Доромжлолоор дүүрсэн зүрх, Есүсийн зүрх ээ,

Н. Биднийг өршөөгөөрэй.

Бидний гэмээр эмтэрсэн зүрх, Есүсийн зүрх ээ,

Н. Биднийг өршөөгөөрэй.

Үхэлд хүртэл дуулгавартай зүрх, Есүсийн зүрх ээ,

Н. Биднийг өршөөгөөрэй.

Жадаар сүлбэгдсэн зүрх, Есүсийн зүрх ээ,

Н. Биднийг өршөөгөөрэй.

Хамаг тайтгарлын эх булаг, Есүсийн зүрх ээ,

Н. Биднийг өршөөгөөрэй.

Бидний амь амьдрал, бидний амилалт, Есүсийн зүрх ээ,

Н. Биднийг өршөөгөөрэй.

Бидний амар амгалан, бидний эвлэрэл Есүсийн зүрх ээ,

Н. Биднийг өршөөгөөрэй.

Бидний гэм нүглийн тул золиослогдогч, Есүсийн зүрх ээ,

Н. Биднийг өршөөгөөрэй.

Танд найдах хүмүүний найдвар, Есүсийн зүрх ээ,

Н. Биднийг өршөөгөөрэй.

Таны дотор амьсгал хурааж буй хүмүүсийн найдвар,

Есүсийн зүрх ээ,

Н. Биднийг өршөөгөөрэй.

Хамаг гэгээнтнүүдийн баяр хөөр, Есүсийн зүрх ээ,

Н. Биднийг өршөөгөөрэй.

Тэнгэрбурханы хурга аа, та дэлхийн гэм нүглийг

арилгадаг,

Н. Эзэн минь, биднийг нигүүлсээрэй.

Тэнгэрбурханы хурга аа, та дэлхийн гэм нүглийг

арилгадаг,

Н. Эзэн минь, биднийг өршөөн сонордоорой.

Тэнгэрбурханы хурга аа, та дэлхийн гэм нүглийг

арилгадаг,

Н. Эзэн минь, биднийг өршөөгөөрөй

Есүс, та зүрх сэтгэлдээ дөлгөөн, даруу билээ.

Н. Өөрийн зүрхээр бидний зүрхийг төлөвшүүлнэ үү.

Залбирцгаая:

Төгс хүчит мөнхийн Тэнгэрбурхан минь. Та хамгаас

хайрт Хүүгийнхээ Зүрхийг харж, гэм нүгэлтнүүдийн

төлөө түүний өргөсөн магтаал, цагаатгалын үйлсийг

үзээд, таны өршөөлийг гуйсан хүмүүсийн гуйлтыг

сонордоод, өөрийн сайн сайханд Есүс Христийн

алдраар уламжлан уучлал өршөөлөө тэдэнд хайрлан

соёрхоно уу.

Тэрээр тантай хамт үүрд мөнхөд оршиж, хаанчилдаг

билээ. Амэн.

Аяа, Есүсийн туйлын ариун нандин Зүрх

Аяа, Есүсийн туйлын ариун нандин Зүрх ээ! Та Христийн сүсэгтний гэр бүлийн дээр хаанчлах таалалтай гэдгээ Маргэрит Мариад илчилсэн билээ.

Үзвээс, таны тааллыг биелүүлэхийн тулд бид өнөөдөр таны хаанчлалыг өөрсдийн гэр бүлийн дээр тунхаглана. Учир нь, таны амь амьдралаар амьдарч, газар дээрх амар амгалан болох таны амласан эрдэм буяныг өөрсдийн гэр бүлд бадраан дэлгэрүүлээд, танаар буруушаагдсан дэлхийн сүнсийг өөрсдөөсөө салгахыг бид хүсэж байна. Та оюун ухаанд минь бидний энгийн итгэл бишрэлээр уламжлан хаанчилдаг. Та зүрх сэтгэлд минь гагц таныг хайрладаг бидний хайраар уламжлан хаанчилдаг.

Түүгээр бидний зүрх сэтгэл галтай байж, энэхэн галын дөл Ариун Эвхаристыг олонтоо хүртсэнээр амьд хэвээр байдаг. Аяа, тэнгэрлэг Зүрх ээ! Та бидний хурлыг удирдаж, бидний сүнслэг бөгөөд хэмжээт үйлсийг адислаж, бүх

түйтгэрийг биднээс тонилгож, бидний баяр хөөрийг ерөөж, бидний зовлонг ангижруулж соёрхоно уу.

Аяа, Есүсийн Зүрх ээ! Хэрэв манай хүмүүсийн зарим нь тийм аз жаргалгүй болж, танд тааламжгүй болох ядууралд автсан бол та гэмшсэн гэм нүгэлтнүүдэд нигүүлсэнгүй ба өршөөнгүй гэдгээ тэдэнд эргэн

сануулж соёрхоно уу. Гэр бүлээсээ хагацахын цаг дөхөж, үхлийн мөч ирвээс үхэгсэд эсхүл үлдэгсэд бид бүгдээр таны бошгийг дорд сэтгэлээр хүндлэх

болтугай. Нэгэн сайхан өдөр тэнгэрт нэгтгэгдсэн бидний гэр бүл таны алдаршуулал, таны сайн сайхныг мөнхөд дуулах болно хэмээсэн нь бидний

тайтгарал юм. Мариагийн цэвэр ариун зүрх хийгээд өрхийн тэргүүн

Иосеф гэгээнтэн бидний ариусахуйн өчгийг танд өргөн барьж, энэхүү өчгийн дурсгалыг бидний насан туршид амьд байлгах болтугай.

Бидний Эцэг, бидний Хаан, Есүсийн зүрхэнд жавхланг болготугай. Амэн.

Есүс Христ Эзэн

“Хэрэв та нар ялгаварлалгүйгээр хүн бүрийг үйлсийнх нь дагуу шүүдэг Нэгэнийг Эцэг гэж дууддаг юм бол, дэлхий дээр байх хугацаандаа биеэ эмээн авч яв. Ингэхдээ та нар эцэг өвгөдөөсөө өвлөсөн өөрсдийн утгагүй амьдралаас алт, мөнгө мэтийн устах зүйлсээр золигдсон бус, харин эрдэнэт цусаар, Христийн цус болох гэм зэмгүй бөгөөд толбогүй хурганы цусаар золигдсон гэдгээ мэдэгтүн.” (1 Петр 1:17-19)

Аяа, Есүс Христ Эзэн минь, та тэнгэр дэх Эцэгийнхээ өврөөс дэлхийд буусан бөгөөд бидний гэм нүглүүдийг уучлан өршөөхийн тулд эрдэнэт цусаа
урсгасан болохоор шүүлтийн өдөр таны баруун талд зогсоод, “Адислалт минь, нааш ир” гэхийг тань сонсох зохистой нэгэн болготугай хэмээн бид танаас дорд сэтгэлээр залбиран гуйж байна. Амэн.

Есүсийн туйлын ариун нандин алдрын гуйлтын залбирал

“Тиймээс ч Тэнгэрбурхан түүнийг үлэмжийн дээдээр өргөмжилсөн бөгөөд аливаа нэрээс дээд нэрийг түүнд соёрхов. Энэ нь Есүсийн нэрд тэнгэрт байгаа, газрын доор байгаа бүх юмс өвдөг сөгдөж, мөн бүх хэл Тэнгэрбурхан Эцэгийн алдрын төлөө Есүс Христ бол Эзэн гэж хүлээн зөвшөөрөх ёстойн учир ажээ.” (Филиппой 2:9-11)

Есүсийн туйлын ариун нандин алдрын гуйлтын залбирал

Капестрано хотын Иохан гэгээнтэн (1386-1456) –

Сиена хотын Бернардин гэгээнтэн (1380-1444)

Эзэн минь, биднийг өршөөгөөрэй,

Н. Эзэн минь, биднийг өршөөгөөрэй. Христ минь, биднийг өршөөгөөрэй,

Н. Христ минь, биднийг өршөөгөөрэй. Эзэн минь, биднийг өршөөгөөрэй,

Н. Эзэн минь, биднийг өршөөгөөрэй. Христ минь, биднийг сонордоорой,

Н. Христ минь, биднийг сонордоорой. Христ минь, биднийг өршөөн сонордоорой,

Н. Христ минь, биднийг өршөөн сонордоорой. Тэнгэр дэх Эцэг, Тэнгэрбурхан минь,

Н. Биднийг өршөөгөөрэй. Ертөнцийг аврагч Хүү, Тэнгэрбурхан минь,

Н. Биднийг өршөөгөөрэй. Ариун Сүнс, Тэнгэрбурхан минь,

Н. Биднийг өршөөгөөрэй. Ариун Гурвал, гагц Тэнгэрбурхан минь,

Н. Биднийг өршөөгөөрэй. Амьд Тэнгэрбурханы Хүү, Есүс ээ,

Н. Биднийг өршөөгөөрэй. Эцэгийн цог жавхлан, Есүс ээ,

Н. Биднийг өршөөгөөрэй. Мөнх гэрлийн гэгээ, Есүс ээ,

Н. Биднийг өршөөгөөрэй. Сүр жавхлант хаан, Есүс ээ,

Н. Биднийг өршөөгөөрэй. Шударга ёсын гэгээн гэрэл, Есүс ээ,

Н. Биднийг өршөөгөөрэй. Охин Мариагийн Хүү, Есүс ээ,

Н. Биднийг өршөөгөөрэй. Туйлын хайрт Есүс ээ,

Н. Биднийг өршөөгөөрэй. Туйлын бишрэм Есүс ээ,

Н. Биднийг өршөөгөөрэй. Аугаа Тэнгэрбурхан, Есүс ээ,

Н. Биднийг өршөөгөөрэй. Ирэх дэлхийн Эцэг, Есүс ээ,

Н. Биднийг өршөөгөөрэй. Зөв зөвлөгөөний тэнгэр элч, Есүс ээ,

Н. Биднийг өршөөгөөрэй. Туйлын хүч чадалтай Есүс ээ,

Н. Биднийг өршөөгөөрэй. Туйлын тэвчээртэй Есүс ээ,

Н. Биднийг өршөөгөөрэй. Туйлын дуулгавартай Есүс ээ,

Н. Биднийг өршөөгөөрэй. Дөлгөөн, даруу зүрх сэтгэлтэй Есүс ээ,

Н. Биднийг өршөөгөөрэй. Журмыг сахигч, Есүс ээ,

Н. Биднийг өршөөгөөрэй. Биднийг хайрлагч, Есүс ээ,

Н. Биднийг өршөөгөөрэй. Амар амгалангийн Тэнгэрбурхан, Есүс ээ,

Н. Биднийг өршөөгөөрэй. Амийг бүтээгч, Есүс ээ,

Н. Биднийг өршөөгөөрэй. Эрдэм буяны үлгэр дууриал, Есүс ээ,

Н. Биднийг өршөөгөөрэй. Сүнсүүдийг зүтгэлтэй хайрлагч, Есүс ээ,

Н. Биднийг өршөөгөөрэй. Бидний Тэнгэрбурхан, Есүс ээ,

Н. Биднийг өршөөгөөрэй. Бидний хоргодох газар, Есүс ээ,

Н. Биднийг өршөөгөөрэй. Бядуучуудын Эцэг, Есүс ээ,

Н. Биднийг өршөөгөөрэй. Сүсэгтнүүдийн эрдэнэсийн сан, Есүс ээ,

Н. Биднийг өршөөгөөрэй. Сайн Хоньчин, Есүс ээ,

Н. Биднийг өршөөгөөрэй. Үнэн гэгээн гэрэл, Есүс ээ,

Н. Биднийг өршөөгөөрэй. Мөнхийн билиг ухаан, Есүс ээ,

Н. Биднийг өршөөгөөрэй. Хэмжээлшгүй сайн сайхан, Есүс ээ,

Н. Биднийг өршөөгөөрэй. Бидний зам мөр, бидний аж амьдрал, Есүс ээ,

Н. Биднийг өршөөгөөрэй. Тэнгэр элч нарын баяр баясгалан, Есүс ээ,

Н. Биднийг өршөөгөөрэй. Өвөг дээдсийн хаан, Есүс ээ,

Н. Биднийг өршөөгөөрэй. Элч нарын тэргүүн, Есүс ээ,

Н. Биднийг өршөөгөөрэй. Сударч нарын багш, Есүс ээ,

Н. Биднийг өршөөгөөрэй. Тарчлагчдын чин бат, Есүс ээ,

Н. Биднийг өршөөгөөрэй. Наминчлалыг сонсогчдын гэгээн гэрэл, Есүс ээ,

Н. Биднийг өршөөгөөрэй. Охидын цэвэр явдал, Есүс ээ,

Н. Биднийг өршөөгөөрэй. Хамаг гэгээнтнүүдийн титэм, Есүс ээ,

Н. Биднийг өршөөгөөрэй. Есүс ээ, биднийг өршөөгөөрэй.

Н. Биднийг нигүүлсээрэй. Есүс ээ, биднийг өршөөгөөрэй.

Н. Есүс ээ, биднийг өршөөн сонордоорой. Есүс ээ, та хамаг хорон муугаас

Н. Биднийг ангижруулаарай. Есүс ээ, та хамаг гэм нүглээс

Н. Биднийг ангижруулаарай. Есүс ээ, та өөрийн уур хилэнгээс

Н. Биднийг ангижруулаарай. Есүс ээ, та ад чөтгөрийн заль мэхээс

Н. Биднийг ангижруулаарай. Есүс ээ, та бузар сүнсээс

Н. Биднийг ангижруулаарай.\Есүс ээ, та мөнх үхлээс

Н. Биднийг ангижруулаарай. Есүс ээ, таны зөн билгийг үл тоомсорлохоос

Н. Биднийг ангижруулаарай. Та бие махбод болсноороо уламжлан

Н. Биднийг ангижруулаарай. Та мэндэлснээрээ уламжлан

Н. Биднийг ангижруулаарай. Та бага насаараа уламжлан

Н. Биднийг ангижруулаарай. Та туйлын тэнгэрлэг амьдралаараа уламжлан

Н. Биднийг ангижруулаарай. Та ажил хөдөлмөрөөрөө уламжлан

Н. Биднийг ангижруулаарай. Та амь тэмцэхүй ба тарчлалтаараа уламжлан

Н. Биднийг ангижруулаарай. Та Загалмай ба даатгалаараа уламжлан

Н. Биднийг ангижруулаарай. Та муужралт ба тамирдлаараа уламжлан

Н. Биднийг ангижруулаарай. Та үхэл ба оршуулгаараа уламжлан

Н. Биднийг ангижруулаарай. Та Амилалтаараа уламжлан

Н. Биднийг ангижруулаарай. Та Тэнгэрт заларснаараа уламжлан

Н. Биднийг ангижруулаарай. Та туйлын ариун Эвхаристыг тогтоосноороо уламжлан

Н. Биднийг ангижруулаарай. Та баяр баясгалангаараа уламжлан

Н. Биднийг ангижруулаарай. Та сүр жавхлангаараа уламжлан

Н. Биднийг ангижруулаарай. Тэнгэрбурханы хурга аа, та дэлхийн гэм нүглийг арилгадаг,

Н. Аяа, Есүс ээ, биднийг нигүүлсээрэй. Тэнгэрбурханы хурга аа, та дэлхийн гэм нүглийг арилгадаг,

Н. Аяа, Есүс ээ, биднийг өршөөн сонордоорой. Тэнгэрбурханы хурга аа, та дэлхийн гэм нүглийг арилгадаг,

Н. Аяа, Есүс ээ, биднийг өршөөгөөрөй Есүс ээ, биднийг сонордоорой.

Н. Биднийг сонордоорой. Есүс ээ, биднийг өршөөн сонордоорой.

Н. Биднийг өршөөн сонордоорой.

Залбирцгаая:

Аяа, Есүс Христ Эзэн минь, та “гуй, тэгвэл та нартөгөгдөнө; хай, тэгвэл та нар олно; тогш, тэгвэл та нарт нээгдэнэ” хэмээн айлдсан билээ. Ингэснээр

бид таныг хамаг зүрх сэтгэлээрээ, хамаг үг хэлээрээ, хамаг ажил үйлдлээрээ хайрлаж, таныг үргэлжид магтахын тул та туйлын тэнгэрлэг энэрэл хайрынхаа билигт хишгийг бидэнд хайрлан соёрхоно уу хэмээн бид танаас дорд сэтгэлээр залбиран гуйж байна. Аяа, Эзэн минь, таны энэрэл хайрын суурийн чулуун дээр байгуулагдсан хүмүүсийн амьд явахуйг та цаг ямагт удирдаж, тэднийг үүрд эс огоорохын тул та өөрийн ариун Алдраас мөнхөд эмээх айдас ба түүнийг хайрлах мөнхийн хайрыг бидэнд хайрлан

соёрхоно уу.

Та үүрд мөнхөд оршиж, хаанчилдаг билээ. Амэн.

Аяа, сайн сайхан Есүс

Аяа, сайн сайхан Есүс ээ! Та өөрийн агуу нигүүлслийн дагуу намайг өршөөнө үү. Аяа, туйлын өршөөлт Есүс ээ! Таны ариун нандин Алдрыг дуудахад гэм нүгэлтэн мөхөс намайг та зөв харж, миний бүх алдаа гэмийг арилгана уу хэмээн бүх гэм нүгэлтний төлөө таны урсгасан Цусаар уламжлан танаас би залбиран гуйж байна. Аяа, Есүс ээ! Та өөрийн ариун нандин Алдрын төлөө

намайг аварна уу.

Таны ариун нандин алдар

Аяа, Эзэн минь. Та өөрийн ариун нандин алдрыг энэрэн хайрлах хайр, түүнээс айн эмээх айдсыг бидэнд үүрд мөнхөд хайрлана уу. Учир нь таны
энэрэл хайраар хүмүүжсэн хүмүүсийг та өөрийн хишиг ивээлээр удирдахаа үл огоорох билээ. Эзэнээр тийн болтугай. Амэн.

Эзэний тарчлалтын талаарх Грегориа гэгээнтний зохиосон долоон даатгал залбирал

“Ингэхдээ би түүнийг болон түүний амилалтын хүчин чадал, зовлонгуудын нөхөрлөлийг таньж мэдэн, түүний үхэлтэй адилхан болгогдож, үхэгсдээс амилуулагдахад хүрмээр байна.” (Филиппой 3:10)

Эзэний тарчлалтын талаарх Грегориа гэгээнтний зохиосон долоон даатгал залбирал

Пап лам аугаа Грегориа гэгээнтэн (ойр. 540-604)

Аяа, Есүс Эзэн минь. Загалмайн модонд өлгөгдсөн бие ба өргөст титмийг өмссөн тэргүүнийг тань би шүтэн биширнэ. Загалмай тань намайг хуурмаг

зантай тэнгэр элч нараас чөлөөлөх болтугай хэмээн танд би даатган залбирч байна. Амэн.

Тэнгэр дэх Эцэг минь ээ.

Амар амгалан Мариа минь ээ.

Аяа, Есүс Эзэн минь. Цөс, цуугаар ундаалж, Загалмай дээр шархдсан таныг би шүтэн биширнэ. Шарх тань миний сүнсний тайвшрал болох болтугай хэмээн

танд би даатган залбирч байна. Амэн.

Тэнгэр дэх Эцэг минь ээ.

Амар амгалан Мариа минь ээ.

III

Аяа, Есүс Эзэн минь. Хагацахын цагт ариун нандин сүнсээ шархдсан биеэсээ салгах үедээ та тарчлалтын зовлонг өчнөөн ихээр эдэлсний тул би түүгээр

уламжлан танаас залбиран гуйж байна. Биеэсээ салахын үед сүнсийг минь нигүүлсэж, та түүнийг мөнх амьдрал руу удирдан зална уу. Амэн.

Тэнгэр дэх Эцэг минь ээ.

Амар амгалан Мариа минь ээ.

Аяа, Есүс Эзэн минь. Булшлуулж, мирр тос болон анхилуун үнэртнээр түрхэгдсэн таныг би шүтэн биширнэ. Үхэл тань миний аж амьдрал болох

болтугай хэмээн танд би даатган залбирч байна. Амэн.
Тэнгэр дэх Эцэг минь ээ.

Амар амгалан Мариа минь ээ.

Аяа, Есүс Эзэн минь. Та тамд бууж, тэндээс олзлогдогчдыг чөлөөлсөн тул таныг би шүтэн биширнэ. Тэнд намайг үүрд үл буулгах болтугай

хэмээн танд би даатган залбирч байна. Амэн.

Тэнгэр дэх Эцэг минь ээ.

Амар амгалан Мариа минь ээ.

Аяа, Есүс Эзэн минь. Үхлээс амилж, тэнгэрт залран, Эцэгийн баруунтаа суусан таныг би шүтэн биширнэ. Таныг дагаж, тантай хамт байх зохистой нэгэн

болгох болтугай хэмээн танд би даатган залбирч байна. Амэн.

Тэнгэр дэх Эцэг минь ээ.

Амар амгалан Мариа минь ээ.

VII

Аяа, Есүс Эзэн минь. Та Сайн Хоньчин, үнэнч шударгууг ивээгч, гэм нүгэлтнийг зөвтгөгч, хамаг сүсэгтнийг нигүүлсэгч мөн тул гэм нүгэлтэн мөхөс

намайг өршөөнө үү. Амэн.

Тэнгэр дэх Эцэг минь ээ.

Амар амгалан Мариа минь ээ.

Унших залбирал нь:

Есүс Христ Эзэн минь. Тарчлалт тань миний хүчин чадал болж, намайг хүчирхэгжүүлж, намайг хамгаалж, намайг өмгөөлөх болтугай хэмээн би

танаас залбиран гуйж байна. Шарх тань намайг хооллож, ундалж, баясгах амин зуулга болох болтугай. Цус тань миний хамаг гэм нүглийг угаах

угаал болох болтугай. Үхэл тань миний мөнхийн алдаршуулал болох болтугай. Тэнд миний сэргэлт, миний цэнгэл, миний эдгэрэл, миний зүтгэл, миний\баяр, миний биеийн хүсэл ба сүнсний эрмэлзэл одоо болон үүрд мөнхөд байх болтугай. Амэн.

Өөр нэг унших залбирал нь:

Амьд Тэнгэрбурханы Хүү, Есүс Христ Эзэн минь. Та өөрийн шүүлт ба миний сүнсний хооронд Тарчлалт, Загалмай ба Үхлээ одоо болон насан эцэслэх мөчид байршуулна уу. Надад хишиг ивээл ба уучлал өршөөл, амьдаст

өршөөл нигүүлсэл, үхэгсдэд мөнх нойр, өөрийн Шашинд амар амгалан, хамаг гэм нүгэлтэнд аж амьдрал ба сүр жавхланг хайрлан соёрхоно уу. Та

үүрд мөнхөд оршиж, хаанчилдаг билээ. Амэн.

Есүсийн таван шархыг хүндлэх залбирал

Нэгдүгээрт нь. Би баруун гарын шархыг хүндэлнэ.

Ертөнцийн цэнгэлийг таашаах хийгээд омог төрөхүй дор үл автагдахын тул би чин бат эрдэм буяныг гуйж байна.

Эзэн минь. Та миний бие ба сүнсийг авран соёрхоно уу.

Тэнгэр дэх Эцэг минь ээ, Амар амгалан Мариа минь ээ хэмээх тус бүрийн залбирлыг уншсаны дараа шарх тутмыг хүндлэхэд энэ ёсоор болгосугай.

Хоёрдугаарт нь. Би зүүн гарын шархыг хүндэлнэ.

Ертөнцийн зовлонг хүлээн өнгөрүүлэх хийгээд эгээрэл алдахуй дор үл автагдахын тул би хашир хэрсүү эрдэм буяныг гуйж байна.

Эзэн минь. Та миний бие ба сүнсийг авран соёрхоно уу.

Гуравдугаарт нь. Би баруун хөлийн шархыг хүндэлнэ.

Аливаа сайн үйлсийг үйлдсэнээр тэнгэрийн орноо гарах гавьяаг олохын тул би хянамж болгоомж эрдэм буяныг гуйж байна.

Эзэн минь. Та арилгах орны сүнснүүдийг авран соёрхоно уу.

Дөрөвдүгээрт нь. Би зүүн хөлийн шархыг хүндэлнэ.

Аливаа муугаас буруулснаар тамд унахаас гэтлэхийн тул би шудaрга ёс эрдэм буяныг гуйж байна.

Эзэн минь. Та гэм нүгэлтнүүдийг өршөөн соёрхоно уу.

Тавдугаарт нь. Би хажуу хавирган дахь шархыг хүндэлнэ.

Тэнгэрбурхан хүмүүнийг энэрэхийн тул би энэрэл хайрын эрдэм буяныг гуйж байна.

Эзэн минь. Та намайг өршөөн соёрхоно уу. Амэн.

Де Лигори Алфонц Мариа гэгээнтний зохиосон загалмайн замын залбирал

“Иймээс тэд Есүсийг аваад явлаа. Есүс загалмайгаа үүрсээр еврейгээр Голгота буюу Гавлын Газар хэмээх газар уруу явав.” (Иохан 19:17)

Де Лигори Алфонц Мариа гэгээнтний зохиосон загалмайн замын залбирал

Де Лигори Алфонц Мариа (1696-1787)

Есүс Христ Эзэн минь. Та миний төлөө үхэхээр энэхэн зам мөрт гүн хайраар орсон атал би үнэхээр таныг олонтоо үл тоомсорлосон билээ. Харин одоо хамаг сүнсээрээ таныг хайрладаг, танд үнэхээр хайртай учраас таныг үл хүндэтгэснээ би чин сэтгэлээсээ гэмшиж байна. Намайг өршөөж, энэхэн замаар тантай хамт явахыг надад зөвшөөрнө үү.

Таны хайр намайг удирдаж, миний төлөө амьсгал хураасан газартаа намайг хүргэж өгнө үү. Хамгаас хайрт Цагаатгагч минь, би ачийг тань хариулахын тул тантай хамт амьсгал хураахын төлөө таны хайрын удирдлага дор тантай хамт явахыг эрмэлзэж байна.

Аяа, Есүс минь. Би тантай хамт амьд явах хийгээд амьсгал хураахыг үнэхээр хүсэмжилж байна.

Нэгдүгээр зогсолт

Есүсийг цаазаар авч байна.

У. Христ минь. Та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Есүс Христийг ташуурдаж, өргөст титмийг өмсгөснөөс хойш Пилат түүнийг загалмай дээр хэрхэн шударга бусаар цаазаар авсныг эргэцүүлье.

Аяа, бишрэлт Есүс ээ! Пилат бус харин гэм нүгэл минь таныг цаазаар аваачсан билээ. Гавал толгой хүрэх энэхүү зовлонгийн өгсүүр замын гавьяагаараа сүнсийг минь мөнх амьдрал руу удирдаж, надтай хамт үргэлжид явна уу хэмээн танаас би залбиран гуйж байна.

Аяа, Есүс минь, хайрт минь. Би танд хайртай, би өөрөөсөө ч илүүтэйгээр таныг хайрладаг бөгөөд таныг үл хүндэтгэснээ чин сэтгэлээсээ

гэмшиж байна. Танаас дахин салахыг надад бүү зөвшөөрөөч. Та мөнхийн хайраа надад хайрлаж, намайг дур тааллынхаа дагуу зохистой нэгэн болгож

соёрхоно уу. Таны дур таалал минийх болсон юм.
Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм. Би таныг дагаж, тантай хамт үхэх гэсэн юм. Амэн.

Хоёрдугаар зогсолт

Есүст загалмайн модыг үүрүүлж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Мөрөндөө загалмайг үүрээд явж байхдаа Есүс биднийг эргэн санаж, бидний төлөө эдлэх үхлээ өөрийн мөнх Эцэгт хэрхэн өргөн барьсныг эргэцүүлье.

Аяа, хамгаас хайрт Есүс минь. Би үхэх хүртлээ танд заяагдсан хамаг гай зовлонг хүлээн авч, таны үүрсэн загалмайн зовлон шаналлын гавьяагаар

өөрийн загалмайг тэвчээртэйгээр үүрэхэд туслах дэм тусламжийг надад хайрлана уу хэмээн танаас би гуйж байна.

Аяа, Есүс минь, хайрт минь. Би танд хайртай, би өөрөөсөө ч илүүтэйгээр таныг хайрладаг бөгөөд таныг үл хүндэтгэснээ чин сэтгэлээсээ гэмшиж

байна. Танаас дахин салахыг надад бүү зөвшөөрөөч.

Та мөнхийн хайраа надад хайрлаж, намайг дур тааллынхаа дагуу зохистой нэгэн болгож соёрхоно уу.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм. Би таныг дагаж, тантай хамт үхэх гэсэн юм.

Амэн.

Гуравдугаар зогсолт

Есүс анх удаа загалмайн модонд бүдрэн унаж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Есүс анх удаа загалмайн модонд бүдрэн унасныг эргэцүүлье. Түүний махан биеийг ташуураар шархдуулж, түүний тэргүүнд өргөст титэм өмсгөсний тул тэрээр цус их алдсан. Түүний бие сульдсан тул алхаж чадахгүй байсан. Загалмайд дарагдаж, цэргүүдэд хэрцгийгээр түлхэгдсэнээс болж тэрээр замдаа газарт нэг бус удаа унасан.

Аяа, Есүс минь. Загалмайн модны дарамт бус харин миний гэм нүглийн дарамт таныг тарчлаасан юм.

Анхны уналтын гавьяагаараа хамаг гэм нүгэлд унах уналтаас намайг хамгаална уу хэмээн би танаас залбиран гуйж байна.

байна. Танаас дахин салахыг надад бүү зөвшөөрөөч.

Та мөнхийн хайраа надад хайрлаж, намайг дур тааллынхаа дагуу зохистой нэгэн болгож соёрхоно уу.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм. Би таныг дагаж, тантай хамт үхэх гэсэн юм.

Амэн.

Дөрөвдүгээр зогсолт

Есүс зовлонт эхтэйгээ дайралдаж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Хүү замдаа Эхтэйгээ уулзсан уулзалтын тухай эргэцүүлье. Есүс, Мариа хоёр бие биеэ харахад, тэдний харц бие биеэ хайрладаг зүрхийг онох сум

мэт байсан.

Аяа, хамгаас хайрт Есүс минь. Та уулзалтынхаа энэхүү гашуун зовлонгоор уламжлан таны туйлын ариун нандин Эхэд ачлах үнэн ачлалыг надад

хайрлана уу.

Аяа, туйлын зовлонт Хатан минь. Оюун санаа минь цовдлогдсон таны Хүүгийн тарчлалтыг үргэлжид сүсэглэн бясалгахын тулд түүний тарчлалтын

дурсгалыг надад мэдрүүлж, миний төлөө зуучлан залбирна уу.

байна. Танаас дахин салахыг надад бүү зөвшөөрөөч.

Та мөнхийн хайраа надад хайрлаж, намайг дур тааллынхаа дагуу зохистой нэгэн болгож соёрхоно уу.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм. Би таныг дагаж, тантай хамт үхэх гэсэн юм.

Амэн.

Тавдугаар зогсолт

Курений Симон загалмайг үүрэхэд нь Есүст туслаж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Үхлийн ирмэг дэх Есүсийг харж байхдаа түүнийг зам дээр бус харин загалмай дээр үхүүлэх санаатай байсан Иудейчүүд Эзэний араас загалмайг нь үүрүүлэхээр Курений Симоныг хэрхэн дуудсаныг эргэцүүлье.

Аяа, туйлын зөөлөн Есүс минь. Курений Симоны адилаар загалмайгаас тань би татгалзахгүй, харин түүнийг дуртайяа хүлээн зөвшөөрч, тосон авах төдийгүй танд заяагдсан үхлийг болон түүнтэй нэгтгэгдэж болохуйц гашуун зовлонг хүлээн авна.

Би таны үхэлтэй нэгдэж, түүнийг танд золиосоор өргөн барья. Намайг хайрласнаасаа болж та амьсгал хураасан тул би басхүү таныг хайрласнаасаа болж нас бараад, танд тааламжит нэгэн болох гэсэн юм. Та

хишиг ивээлээрээ надад тусална уу.

байна. Танаас дахин салахыг надад бүү зөвшөөрөөч.
Та мөнхийн хайраа надад хайрлаж, намайг дур тааллынхаа дагуу зохистой нэгэн болгож соёрхоно уу.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм. Би таныг дагаж, тантай хамт үхэх гэсэн юм. Амэн.

Зургадугаар зогсолт

Вероника Есүсийн нүүрийг арчиж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Зовлонт Есүс болон цус, хөлсөөр нэвчсэн түүний нүүрийг харж байхдаа ариун эмэгтэй Вероника хэрхэн нүүрийг нь алчуураар арчсан хийгээд алчуурт

Есүсийн ариун дүр төрх үлдсэнийг эргэцүүлье.

Аяа, Есүс минь. Таны нүүр царай гоо сайхан байсан хэрнээ шарх, цуснаас болж гоо сайхан тань энэхэн замын турш огт харагдахгүй болсон. Ээ тоогүй!

Ариун угаал хүртэх үед таны хишиг ивээлээр уламжлан сүнс минь бас гоо сайхан байсан атал би гэм нүглээрээ сүнснийхээ хэвийг алдагдуулсан юм.

Аяа, Цагаатгагч минь. Зөвхөн та сүнсний минь анхдагч гоо сайхныг сэргээж чадах бөгөөд та үүнийг хийнэ үү хэмээн тарчлалтын тань гавьяагаар танаас

би залбиран гуйж байна.

байна. Танаас дахин салахыг надад бүү зөвшөөрөөч.

Та мөнхийн хайраа надад хайрлаж, намайг дур тааллынхаа дагуу зохистой нэгэн болгож соёрхоно уу.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм.

Би таныг дагаж, тантай хамт үхэх гэсэн юм. Амэн.

Долдугаар зогсолт

Есүс хоёр дахь удаагаа загалмайн модонд бүдрэн унаж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Есүс хоёр дахь удаагаа загалмайн модонд бүдрэн унасныг эргэцүүлье. Энэхүү уналт зовлонт Эзэний тэргүүн ба биеийн шархыг сэдрээж, тарчлалтын

зовлонг нь нэмэгдүүлж байна.

Аяа, туйлын өгөөмөр Есүс минь. Та хэдэнтээ намайг өршөөсөн билээ! Үнэхээр би олонтоо гэм нүгэлд автаж байсан бөгөөд таныг төдөнтөө доромжилсон билээ.

Таны хишиг ивээлийн дор үхэх хүртлээ хичээхийн тул та энэхүү сүүлийн уналтын гавьяагаараа надад тусална уу. Дарлах сорилтуудын дундах би танд

өөрийгөө үргэлжид даатгахыг та соёрхоно уу.

байна. Танаас дахин салахыг надад бүү зөвшөөрөөч.

Та мөнхийн хайраа надад хайрлаж, намайг дур тааллынхаа дагуу зохистой нэгэн болгож соёрхоно уу.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм.

Би таныг дагаж, тантай хамт үхэх гэсэн юм. Амэн.

Наймдугаар зогсолт

Есүс уйлхай эмстэй ярилцаж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Замдаа цус алдаж, ядарч туйлдсан Есүсийг хараад эмэгтэйчүүд өрөвдөж, хэрхэн нулимс асгаруулсныг эргэцүүлье. Харин Есүс тэдэнд “миний төлөө

уйлахаа боль. Өөрсдийнхөө төлөө, хүүхдүүдийнхээ төлөө уйл” хэмээн хэлсэн юм.

Аяа, зовлонт Есүс минь. Таныг доромжилсон доромжлолынхоо улмаас би уйлж байна. Учир нь, тэдгээр нь зөвхөн миний сүр хүчийг хассан бус харин

бас таныг зовлонтой болгосон юм. Мөн түүнчлэн та намайг ихэд хайрласан. Тамын айдсаас илүүтэй хайртань намайг уйлахад хүргэсэн.

байна. Танаас дахин салахыг надад бүү зөвшөөрөөч.

Та мөнхийн хайраа надад хайрлаж, намайг дур тааллынхаа дагуу зохистой нэгэн болгож соёрхоно уу.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм.

Би таныг дагаж, тантай хамт үхэх гэсэн юм. Амэн.

Есдүгээр зогсолт

Есүс гурав дахь удаагаа загалмайн модонд бүдрэн унаж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Есүс гурав дахь удаагаа загалмайн модонд бүдрэн унасныг эргэцүүлье. Тэрээр ихэд сульдан тамирдаж бараг алхаж чадахгүй байхад түүнийг хурдан явахыг

шаардсан тамлагчдын харгислалаас болж дахин унасан юм.

Аяа, доромжлогдсон Есүс минь. Гавал толгой хүрэх замдаа эдэлсэн тамирдлынхаа гавьяагаар уламжлан та хүчин чадлыг надад хайрлана уу. Түүгээр би хүний санаа бодлоо үл тоомсорлох бөгөөд сөрөг гажлаасаа

гэтэлж чадна. Учир нь, тэдгээрийн харгайгаар би таны нөхөрлөлийг эс хайхарсан.

байна. Танаас дахин салахыг надад бүү зөвшөөрөөч.

Та мөнхийн хайраа надад хайрлаж, намайг дур тааллынхаа дагуу зохистой нэгэн болгож соёрхоно уу.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм.

Би таныг дагаж, тантай хамт үхэх гэсэн юм. Амэн.

Аравдугаар зогсолт

Есүсийн хувцсыг тайлж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Есүсийн хувцсыг хэрхэн хэрцгийгээр тайлсныг эргэцүүлье. Дотуур хувцас нь түүний шархдсан биед наалдсан байсан бөгөөд тамлагчид хувцсыг нь

тайлахдаа мөн арьсыг нь хуулж байсан. Та Эзэнээ өрөвдөн, түүнд ийн хэлээч:

Аяа, туйлын гэмгүй Есүс минь. Та эдэлсэн зовлонгийнхоо гавьяагаар дэлхийн зүйлсээс дур шуналыг минь салгаж, таныг хайрлах зөв зохистой

болгож, өөрийн дур зоргын хандлагыг зөвхөн тан руу эргүүлэхэд минь надад тусална уу.

байна. Танаас дахин салахыг надад бүү зөвшөөрөөч.

Та мөнхийн хайраа надад хайрлаж, намайг дур тааллынхаа дагуу зохистой нэгэн болгож соёрхоно уу.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм.

Би таныг дагаж, тантай хамт үхэх гэсэн юм. Амэн.

Арван нэгдүгээр зогсолт

Есүсийг загалмайд хадаж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Загалмай дээр орхигдсон Есүс гараа сунгаад, бидний авралын төлөө өөрийн амиа мөнх Эцэгт хэрхэн өргөн барьсныг эргэцүүлье. Тамлагчид түүнийг

цовдоор цовдолж, загалмайг босгосон бөгөөд энэхүү гутамшигт дүүжлүүрт түүнийг харгисаар үхүүлэхээр орхив.

Аяа, туйлын басамжлалт Есүс минь. Та зүрхийг минь өөрийн өлмийдөө хадна уу. Тиймийн тул энэрэл хайрын холбоо хэлхээнээс уяатай зүрх сэтгэл минь

тантай хамт үргэлжид үлдээд, таныг үүрд эс огоорох болно.

байна. Танаас дахин салахыг надад бүү зөвшөөрөөч.

Та мөнхийн хайраа надад хайрлаж, намайг дур тааллынхаа дагуу зохистой нэгэн болгож соёрхоно уу.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм.

Би таныг дагаж, тантай хамт үхэх гэсэн юм. Амэн.

Арван хоёрдугаар зогсолт

Есүс загалмай дээр амьсгал хурааж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Загалмай дээр гурван цаг амь тэмцсэн Есүс хэрхэн зовлон зүдгүүрээс болж өөрийн биеийг орхиод, тэргүүнээ бөхийлгөж, амьсгалаа хураасныг эргэцүүлье.

Аяа, амь тавьж буй Есүс минь. Миний төлөө амьсгал хураасан загалмайг би гүн сүсэгтэйгээр үнсье.

Гэм нүглийнхээ улмаас би гаслант үхлээр үхвээс зохистой, харин таны үхэл миний найдвар болно.

Таны үхлийн гавьяагаар уламжлан, таны хайрын дор би таны өлмийг үнсээд амьсгалаа хураахыг надад хайрлан соёрхоно уу. Таны мутарт би өөрийн амийг даатгая.

байна. Танаас дахин салахыг надад бүү зөвшөөрөөч.

Та мөнхийн хайраа надад хайрлаж, намайг дур тааллынхаа дагуу зохистой нэгэн болгож соёрхоно уу.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм.

Би таныг дагаж, тантай хамт үхэх гэсэн юм. Амэн.

Арван гуравдугаар зогсолт

Есүсийг загалмайгаас буулгаж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Есүсийн хоёр шавь Иосеф, Никодем нар түүний цогцсыг загалмайгаас хэрхэн буулгаж, зовлонт Эхийн хоёр гар дээр тавихад Мариа түүнийг туйлын хайртайгаар тосон авч, цээжиндээ тэвэрснийг эргэцүүлье.

Аяа, зовлонт Эх ээ! Хайрласан Хүүгийнхээ хайраар уламжлан та намайг өөрийн үйлчилгээнд хүлээн авч, миний төлөө түүнээс зуучлан залбирна уу.

Аяа, Цагаатгагч минь. Та миний төлөө амьсгал хураасан болохоор намайг өөртөө хайртай нэгэн болгож соёрхоно уу. Учир нь, би танаас аливаа

зүйлсийг бус, харин гагцхүү таныг хүсэж байна.

байна. Танаас дахин салахыг надад бүү зөвшөөрөөч.

Та мөнхийн хайраа надад хайрлаж, намайг дур тааллынхаа дагуу зохистой нэгэн болгож соёрхоно уу.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм.

Би таныг дагаж, тантай хамт үхэх гэсэн юм. Амэн.

Арван дөрөвдүгээр зогсолт

Есүсийг булшилж байна.

У. Христ минь, та ариун загалмайгаараа уламжлан дэлхийг цагаатгасны тул

Н. Бид таныг шүтэн биширч, бид таныг магтъя.

Зовлонт Эхийн хамт Шавь нар нь Цагаатгагчийн цогцсыг хэрхэн зөөж, Эх нь Хүүгээ өөрийн гараар булшинд тавьсан хийгээд тэд булшийг хааж, бүгд

энэ газраас явсныг эргэцүүлье.

Аяа, булшлагдсан Есүс минь. Би булшны тань чулууг үнсье. Та гурав дахь хоногтоо амилсан билээ. Тантай хамт үргэлжид байж, таныг магтаж, таныг мөнхөд хайрлахын тул та амилалтаараа уламжлан эцсийн өдөрт намайг амилуулж, намайг тэнгэрийн оронд оруулж соёрхоно уу хэмээн танаас залбиран гуйж байна.

Тэнгэр дэх Эцэг минь ээ, Амар амгалан Мариа минь ээ, Алдаршуулал.

Та бол энэрэл хайрын төлөө золиослогч, цагаатгагч юм.

Би таныг дагаж, тантай хамт үхэх гэсэн юм. Амэн.

Зогсолтод зориулсан даатгал залбирал

Бэлтгэх залбирал
Аяа, Ариун Нандин Гурвал минь. Таны тэнгэрлэг сүр жавхлан, бидний цагаатгалын дурсамж, миний гэм нүглийн өршөөлийн төлөө зориулагдсан бөгөөд үхэгсдэд мөнх нойр, үлдэгсдэд хишиг ивээл, бүгдэд сүр жавхланг хүртээхийн тул бидний Есүс Христийн гавьяа болон Төгс Жаргалт Цэвэр Охин Мариа, хамаг гэгээнтнүүдтэй нэгдэж, танд өргөн барих энэхүү үйлчилгээг минь та хүлээн авна уу.
Аяа, Төгс Жаргалт Гурвал минь. Танд магтаал, хүндлэл болон жавхланг үүрд мөнхөд болготугай. Aмэн.
У. Аяа, Тэнгэрбурхан минь, надад дэм үзүүлнэ үү
Н. Аяа, Эзэн минь, надад түргэн тусална уу Эцэг, Хүү, Ариун Сүнсэнд жавхланг эхэн цагт байсан мэт аливаа цагт болготугай. Амэн.

Нэгдүгээр зогсолт
Тэнд Есүсийг цаазаар авч байна.

Таныг тамын мөнхийн ял шийтгэлээс ангижруулахын тулд тэрээр энэхүү шударга бус шүүхийн шийдвэрийг хүлээн авав.

Шад бадаг

Зөв санаа бодлоор бус, харин өөрсдийн санаа бодлоор

Есүст үл итгэгчид нь:

“Түүний үйлс бидний эсрэг тул зөв шударга хүнийг буруутгацгаая. Тэрээр Тэнгэрбурханы билиг ухаантай хэмээн баталж, өөрийгөө Тэнгэрбурханы

Хүү гэж нэрлэдэг болохоор түүний үг үнэн эсэхийг үзэцгээе, хэрвээ тэр үнэхээр Тэнгэрбурханы Хүү мөн бол түүнийг өөрсдийн гараас чөлөөлцгөөе: түүнд цаазаар авах ял онооё” гэв.

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Тэнгэрбурхан өөрийн Хүүг цаазын ялаас үл хэлтрүүлсэн,

Н. Харин тэрээр бид болон бүгдийн төлөө Хүүгээ өргөн барив.

У. Тэрээр зөвшөөрсөн болохоор өөрийгөө өргөн барьсан бөгөөд,

Н. Ам нээгээгүй.

У. Эзэн минь, миний залбирлыг сонордоно уу.

Н. Гуйлт минь танд хүрээсэй.

Залбирцгаая:

Аяа, Есүс Христ Эзэн минь. Та тэнгэр дэх Эцэгийнхээ өврөөс дэлхийд буусан бөгөөд бидний гэм нүглүүдийг уучлан өршөөхийн тулд эрдэнэт цусаа урсгасан болохоор шүүлтийн өдөр таны баруун талд зогсоод, “Адислалт минь, нааш ир” гэхийг тань сонсох зохистой нэгэн болготугай хэмээн бид танаас дорд сэтгэлээр залбиран гуйж байна. Та Тэнгэрбурхан Эцэг болон Ариун Сүнсний хамт оршигч, та бол Эцэг ба Ариун Сүнсний хамт үүрд мөнхөд оршиж, хаанчилдаг Тэнгэрбурхан билээ. Амэн.

Хоёрдугаар зогсолт
Тэнд Есүст загалмайг үүрүүлж байна.

“Тариачин миний нурууг анжсаар хагалав.” (Дуулал 129)

Шад бадаг

Аяа, Хаан минь. Зөвхөн та бидний гэм нүглийг нигүүлсдэг бөгөөд Эцэгтээ дуулгавартай байж, нядлагдах зөөлөн хурга мэт цовдлуулахаар энэхэн

замд оров.

Танд жавхлан, Хосанна! Танд бадрал ба ялалт, танд өндөр магтаал ба хүндлэлийн титэм байх болтугай.

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Бидний амар амгалангийн төлөө гэсгээлт түүн дээр байсан бөгөөд,

Н. Түүний шарх биднийг илаарьшуулдаг юм.

У. Эзэн түүнд бидний болон бүгдийн шударга бус явдлыг үүрүүлэв.

Н. Ард түмний гэмийн харгайгаар түүнийг жанчив.

У. Эзэн минь, залбирлыг минь сонордоно уу.

Н. Гуйлт минь танд хүрээсэй.

Залбирцгаая:

Гуравдугаар зогсолт
Тэнд Есүс анх удаа загалмайн модонд бүдрэн унаж байна.

Тэрээр үгийнхээ хүчин чадлаар бүгдийг үүрсэн тул

түүнийг унагаасан бидний гэм нүглийн жин ямархан

хүнд байсан бол!

Шад бадаг

Бидний Эзэн үхэлд төдийгүй загалмайн үхэлд хүртэл өөрийгөө дорд үзэв. Тиймийн тул Тэнгэрбурхан түүнийг үлэмжийн дээдээр өргөмжилсөн бөгөөд

аливаа нэрсээс дээд алдрыг түүнд соёрхов.

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Үнэндээ тэрээр өөрөө бидний гэм согогийг үүрсэн бөгөөд,

Н. Тэрээр өөрөө бидний гашуун зовлонг үүрэв.

У. Бидний шударга бус явдлын улмаас тэр гэмтэв.

Н. Бидний гэм нүглийн улмаас тэр шархдав.

У. Эзэн минь, залбирлыг минь сонордоно уу.

Н. Гуйлт минь танд хүрээсэй.

Залбирцгаая:

Дөрөвдүгээр зогсолт
Тэнд Цэвэр Охин, Иохан гэгээнтэн нар
Есүстэй уулзаж байна.

Есүсийг хар даа. Эх ба хайрт Шавийн зүрх сэтгэлийг

жадласан үйлт жад ямархан хурц байсан бол!

Тэрээр өөрийн доторх өрөвдөл нигүүлслийн зовлонг

хэрхэн мэдэрч байсан бол!

Шад бадаг

Аяа, энэхүү замаар яваа хүмүүс ээ! Та нар миний эдэлсэн гаслан зовлонгийн адилаар тийм гаслан зовлон байхыг үзээд, эргэцүүлцгээгээрэй. Үүний

учир би уйлж байгаа бөгөөд миний нүднээс ус гоожиж байна. Учир нь, миний сүнсний тайвшрал болох тайтгаруулагч минь надаас хол байна. Өстөн

дайснууд дийлсэн болохоор хүүгийнхээ шаналлын өмнө уйлснаас болж нүд минь яргаж, дотор минь зүсэгдэж, элэг минь эмтэрч байна.

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Таны гаслан зовлон гүн далайн адил болов.

Н. Хэн таныг илаарьшуулж чадах вэ?

У. Таны сүнс хүртэл илдэнд нэвт сүлбэгджээ.

Н. Тиймийн тул олон түмний зүрхний санаа бодол илчлэгдэв.

У. Эзэн минь, залбирлыг минь сонордоно уу.

Н. Гуйлт минь танд хүрээсэй.

Залбирцгаая:

Тавдугаар зогсолт
Тэнд Курений Симонд загалмайг үүрүүлж байна.

Түүнд Есүсийн загалмайг үүрүүлэхээр албадсан

болохоор загалмайг эрхгүй үүрэх болсон түүний

гавьяа юутай өндөр вэ! Та Есүсийн загалмайг

үүрэхэд бэлэн байна уу?

Шад бадаг

Бид Есүс Христ бидний Эзэний загалмайн дотор алдаршиж болно, учир нь түүний дотор аж амьдрал ба амь амилалт болох бидний аврал байдаг бөгөөд

түүгээр уламжлан тэрээр биднийг аварч, биднийг чөлөөлдөг юм.

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Би зөвхөн Есүс Христ бидний Эзэний загалмайн дотор алдарших болтугай.

Н. Түүгээр уламжлан надад дэлхийг цовдлуулсан ба дэлхийд намайг цовдлуулав.

У. Аяа, итгэлт загалмай минь, үнэ цэнэтэй мод минь.

Н. Таны адилаар навч, цэцэг, нахиаг ургуулдаг ой мод гэж байхгүй.

У. Эзэн минь, залбирлыг минь сонордоно уу.

Н. Гуйлт минь танд хүрээсэй.

Залбирцгаая:

Зургадугаар зогсолт
Тэнд Вероника Есүстэй уулзаж байна.

Христийн нүүрнээс Вероника ямар ариухан тунгалаг

толийг авсан бэ! Та өөрийн дүрсийг энэхүү толинд

харна уу?

Шад бадаг

Үзвээс, түүнд хэлбэр дүрс, цог жавхлан алга. Түүнийг харъя гэвч бидний анхаарлыг татахуйц дүр төрх түүнд алга. Тэрээр үзэн ядагдаж, хүмүүст орхигдов.

Тэрээр уй гашууны хүн бөгөөд өвчин зовлонг мэдсэн.

Бид түүнээс нүүрээ буруулсан. Тэрээр үзэн ядагдаж, бид түүнийг үл хүндэтгэсэн.

Хүмүүсийн дунд түүний үзэмж жавхаа, түүний хэлбэр дүрс суу алдаргүй байсан атал тэрээр өөрөө хүмүүсийн хөвгүүдийн өмнө гоо сайхны хэлбэр дүрс болсон бөгөөд түүний шархаар бид илаарьшсан.

(харьцуул. Исаиа 53:2-4).

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Тэнгэрбурхан Эзэн минь, биднийг сэргээнэ үү.

Н. Та өөрийн нүүр царайг бидэнд үзүүлнэ үү. Тэгвэл бид аврагдах болно.

У. Та өөрийн нүүр царайг биднээс бүү буруулаач.

Н. Та өөрийн уур хилэн дээр зардсаа бүү орхиоч.

У. Эзэн минь, залбирлыг минь сонордоно уу.

Н. Гуйлт минь танд хүрээсэй.

Залбирцгаая:

Долдугаар зогсолт
Тэнд Есүс шүүхийн хаалганы өмнө бүдрэн унаж байна.

Эцсийн шүүлтийн өдөр та түүний өмнө хэрхэн

зогсож чадах вэ?

Шад бадаг

Тэд намайг үл итгэгчдийн гарт орхиж, шударга бус хүмүүсийн дунд хаясан бөгөөд тэд сүнсийг минь нигүүлсээгүй. Бяртай эрчүүд намайг хүрээлж,

аваргын дүрээр миний өмнө зогсоод, догшин харцаар над руу ширтсэн бөгөөд намайг харгисаар ташуурдаж, намайг басамжилсан.

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Би бол өт, хүн биш!

Н. Би бол хүмүүсийн буруутгал бөгөөд ард олонд жигшигдсэн юм. (Дуулал 22)

У. Намайг хардаг бүхэн намайг тохуурхан инээдэг.

Н. Тэд уруулаа нээж, толгойгоо сэгсэрдэг. (Дуулал 22)

У. Эзэн минь, залбирлыг минь сонордоно уу.

Н. Гуйлт минь танд хүрээсэй.

Залбирцгаая:

Наймдугаар зогсолт
Тэнд эмэгтэйчүүд Есүсийн төлөө гашуудан уйлж байна.

Дэлхийн зүйлс алдагдсанаас илүүтэй гэм нүглээс

болсон таны гашуудлын нулимс хэзээ гарах вэ?

Шад бадаг

Иерусалимын охид оо, миний төлөө уйлахаа боль.

Харин өөрсдийнхөө төлөө, хүүхдүүдийнхээ төлөө уйл. Үзэгтүн. “Хүүсэр эмэгтэй болон хэзээ ч хүүхэд тээж байгаагүй хэвлий, мөн хэзээ ч хөхүүлж

байгаагүй хөх нь ерөөлтэй еэ гэж хэлэгдэх өдрүүд ирж байна. Тэгээд тэд ууланд хандан “Бидэн дээр уна”, толгодод “Биднийг нөмрөөч” гэх болно. Хэрэв тэд эдгээр ногоон модонд үйлддэг бол хуурай модонд

тэгвэл юу болох билээ? гэв.” (Лук 23:28-31)

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Бидний амин амьсгал болох Христ Эзэн

Н. Бидний гэм нүгэлд олзлогдож байна.

У. Бидний толгойн титэм унасан

Н. Бид гэм нүглийнхээ улмаас золгүй байна.

У. Эзэн минь, залбирлыг минь сонордоно уу.

Н. Гуйлт минь танд хүрээсэй.

Залбирцгаая:

Есдүгээр зогсолт
Тэнд Есүс сүүлчийн удаа Гавал толгой дээр бүдрэн унаж байна.

Бидний гэм нүгэл Есүсийг хэдэнтээ дарамтласан бол?

Шад бадаг

Аяа ард олон минь. Би та нарт юу хийсэн бэ? Би та нарыг яаж гомдоосон бэ? Надад хариулаач!

Би та нарыг Египет нутгаас удирдсан, харин та нар намайг Загалмайн гэсгээл хүртэл удирдав.

Би та нарыг дөчин жилийн турш маннагаар тэжээсэн, харин та нар намайг цохилт, ташуураар дайлав.

Би та нарт хааны очирт таягийг өргөн барьсан, харин та нар намайг өргөст титэмд өргөмжлөв.

Үйлдээгүй зүйлсийнхээ дундаас би та нарын төлөө юуг дутуу хийсэн бэ?

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Тэрээр нядлагдах хурга мэт болно.

Н. Тэрээр хяргагчийн өмнө дуугарахгүй хонь мэт болно. (Исаиа 53:7)

У. Түүний ард олон амьд байхын тул

Н. Тэрээр амьсгал хураасан.

У. Эзэн минь, залбирлыг минь сонордоно уу.

Н. Гуйлт минь танд хүрээсэй.

Залбирцгаая:

Аравдугаар зогсолт
Тэнд Есүсийг цөс ба цуугаар ундаалж байна.

Та ядуучуудад хэчнээн ширүүн хэрцгийгээр ханддаг

юм бэ? Тэдэнд хэрхэн ханддагийнхаа адилаар та

Есүст тийн үйлддэг.

Шад бадаг

Аяа ард олон минь. Би та нарт юу хийсэн бэ? Би та нарыг яаж гомдоосон бэ? Надад хариулаач!

Би та нарыг боолчлолын нутгаас амласан газар луу удирдсан, харин та нар эцгийн өврөөс буусан намайг Загалмай дээр үхэл хүртэл удирдав.

Би та нарыг өөрийн шилдэг усан үзмийн талбай болгосон, харин та нар намайг хэтэрхий уй гашуут нэгэн болгов.

Би та нарыг авралын хадны усаар ундаалсан, харин та нар намайг цөс ба цуугаар ундаалав.

Үйлдээгүй зүйлсийнхээ дундаас би та нарын төлөө юуг дутуу хийсэн бэ?

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Миний хүч шаазангийн хэлтэрхий шиг бутарч,

Н. Миний хэл түүшиндээ наалдсан. (Дуулал 22)

У. Тэд намайг цөсөөр дайлж.

Н. Тэд миний цангааг цуугаар тайлав.

У. Эзэн минь, залбирлыг минь сонордоно уу.

Н. Гуйлт минь танд хүрээсэй.

Залбирцгаая:

Арван нэгдүгээр зогсолт
Тэнд Есүсийг аймшигт хадаасаар хадаж байна.

Таныг хайрласнаараа Есүсийн гинжин хэлхээ ямар

хүчтэй вэ! Түүнийг хайрласнаараа таны гинжин

хэлхээ хэчнээн хүчтэй вэ?

Шад бадаг

Аяа ард олон минь, би та нарт юу хийсэн бэ?

Би та нарыг агуу хүчин чадлаар өргөмжилсөн, харин та нар намайг Загалмайн дүүжлүүрт өлгөв.

Би та нарыг үндэстнүүдийн дундаас аугаа болгосон, харин та нар намайг басамжлалт болгов.

Би та нарын өмнө Улаан тэнгисийг нээсэн, харин та нар миний хажуу хавиргыг жадаар нээв.

Үйлдээгүй зүйлсийнхээ дундаас би та нарын төлөө юуг дутуу хийсэн бэ?

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Таны мутрын эдгээр шарх юу вэ?

Н. Түүгээр намайг хайрладаг хүмүүсийн гэрт би шархдсан байв.

У. Тэд миний гар, хөлийг нэвт хатгав.

Н. Тэд миний ясыг тоолов. (Дуулал 22)

У. Эзэн минь, залбирлыг минь сонордоно уу.

Н. Гуйлт минь танд хүрээсэй.

Залбирцгаая:

Арван хоёрдугаар зогсолт
Тэнд Есүс загалмай дээр амьсгал хурааж байна.

Есүс амьсгал хураахдаа юу хэлсэн, юу хийснийг

эргэцүүлье. Та түүний үйлдсэний адилаар амьсгал

хураах болтугай.

Шад бадаг

Үзвээс, зөв шударга хүн ийн үхэхэд хэн ч түүнийг зүрхээрээ мэдрэхгүй; зөв шударга хүн амьсгал хураахад хэн ч түүнийг анзаарахгүй. Зөв шударга

хүн шударга бус явдлаас чөлөөлөгдөх бөгөөд түүний дурсгал амар түвшинд хүрэх болтугай.

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Христ бидний төлөө үхэлд төдийгүй
Н. Загалмайн үхэлд хүртэл дуулгавартай болсон. (Филиппой 2:8)
У. Аяа, Христ минь, та өөрийн Ариун Загалмайгаар дэлхийг цагаатгасан болохоор
Н. Бид таныг шүтэн биширч, бид таныг магтъя.
У. Эзэн минь, залбирлыг минь сонордоно уу.
Н. Гуйлт минь танд хүрээсэй.

Залбирцгаая:
Аяа, Есүс Христ Эзэн минь. Та тэнгэр дэх Эцэгийнхээ өврөөс дэлхийд буусан бөгөөд бидний гэм нүглүүдийг уучлан өршөөхийн тулд эрдэнэт цусаа урсгасан болохоор шүүлтийн өдөр таны баруун талд зогсоод, “Адислалт минь, нааш ир” гэхийг тань сонсох зохистой нэгэн болготугай хэмээн бид танаас дорд сэтгэлээр залбиран гуйж байна. Та Тэнгэрбурхан Эцэг болон Ариун Сүнсний хамт оршигч, та бол Эцэг ба Ариун Сүнсний хамт үүрд мөнхөд оршиж, хаанчилдаг Тэнгэрбурхан билээ. Амэн.

Арван гуравдугаар зогсолт
Тэнд Есүсийн биеийг загалмайгаас буулгаж, зовлонт эхийн өвөрт тавьж байна.

Хүүгийнхээ биеийг загалмайгаас буулгаж, тэврээд, өвөр дээрээ тавих үеийн Мариагийн сүнсний асар их уй гасланг эргэцүүлье. Энэрэл хайр түүнийг ийм

аймшгийн уй гашууд автуулсан бөгөөд түүнийг үнэн тарчлагч болгосон. Аврагчийн төлөөх таны энэрэл хайр, таны өрөвдөл нигүүлсэл хэчнээн өндөр вэ?

Шад бадаг

Иерусалимын охин оо, чамайг би юутай зүйрлэх вэ?

Сионы онгон охин оо, чамайг тайтгаруулж байхдаа чамайг би юутай адилтгах вэ? Учир нь чиний сүйрэл далай шиг уудам. (Гашуудал 2:13)

Аяа, нигүүлсэхүй Эх минь. Та намайг Есүсийн үхлийг нигүүлсэгч, түүний тарчлалтанд оролцогч болгоно уу.

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ.

У. Аяа, Охин Мариа минь. Бид авралыг Христийн шархнаас

Н. Танаар уламжлан хүртдэг.

У. Аяа, итгэлт Есүс минь. Та намайг эхээрээ уламжлан,

Н. Ялалтын шагналтан болгож соёрхоно уу.

У. Эзэн минь, залбирлыг минь сонордоно уу.

Н. Гуйлт минь танд хүрээсэй.

Залбирцгаая:

Арван дөрөвдүгээр зогсолт
Есүсийн биеийг булшилж байна.

Аяа, сүнс минь. Есүсийн биед хэрхэн анхилуун үнэртнийг түрхэж, шинэ булшинд тавьсныг эргэцүүлье. Та өдөр бүр хэр өндөр хүндлэлээр үндсэн

ёслолоор эсвэл оюун санаагаараа Есүс Цагаатгагчаа хүлээн авдаг вэ? Та түүнийг хүлээн авахдаа өөрийгөө үргэлжид шинэ булш мэт болгож, эрдэм буяны эрхэм тансаг хувцсыг өмсөхөөр уламжлан гэгээтэй болгохыг хичээдэг үү?

Шад бадаг

Би доошоо нүх уруу буугчдын дунд тоологдсон.

Би хүч чадалгүйн адил үхэгсдийн дунд хаягдсан, булшинд тавигддаг үхдэлтэй адил болсон. (Дуулал 88:4-5)

Аяа, сайн Есүс ээ! Таны хишиг ивээлийн хаанчлалыг зүрх сэтгэлдээ оршоон тогтоохын тулд зохисгүй байсан учраас гашуудаж, уйлж байсан би эмэгтэйчүүдтэй цуг таны булш уруу очиж яваа юм.

Эзэн минь, биднийг өршөөгөөрэй.

Христ минь, биднийг өршөөгөөрэй.

Эзэн минь, биднийг өршөөгөөрэй.

Тэнгэр дэх Эзэн минь, Амар амгалан Мариа минь ээ

У. Бие махбод минь найдвар дотор оршино.

Н. Та өөрийн Ариун нэгнийг ялзралд хүргэхгүй. (Дуулал 16:9-10)

У. Аяа, Эзэн минь. Та сэрж, надад тусална уу.

Н. Та намайг гэм нүглээс минь ангижруулна уу.

У. Эзэн минь, залбирлыг минь сонордоно уу.

Н. Гуйлт минь танд хүрээсэй.

Залбирцгаая:

Даатгал

Аяа, Эзэн минь. Та өөрийн гэр бүлээ харж хандана уу гэж бид танаас гуйж байна. Түүний төлөө Есүс Христ бидний Эзэн өөрийн амийг үл итгэгчдийн

гарт алдсан бөгөөд Загалмайн зовлонг эдлэхээс татгалзаагүй билээ. Тэрээр тантай ба Ариун Сүнсний хамт үүрд мөнхөд оршиж, хаанчилдаг Тэнгэрбурхан билээ. Амэн.

Христийн ариун нандин маалинган даавууны

залбирал

Аяа, Есүс Христ Эзэн минь. Загалмайгаас буугдсан өөрийн туйлын ариун биеэ Иосефоор ороолгосон ариун нандин маалинган даавуун дээр та тарчлалтынхаа ул мөрийг үлдээсэн тул таны үхэл ба оршуулгаар уламжлан бид амилалтын алдрыг хүртэх болтугай хэмээн танаас залбиран гуйж байна.

Та бол Эцэг ба Ариун Сүнсний хамт үүрд мөнхөд оршиж, хаанчилдаг Тэнгэрбурхан билээ. Амэн.