Залил
Энэрэл хайрын хоёр бошиг
- Чи өөрийн Тэнгэрбурхан Эзэнээ хамаг зүрх, хамаг сэтгэл, хамаг хүчин чадал, хамаг оюун ухаанаараа хайрла.
- Чи хөршөө өөрийн адил хайрла.
Эрхэм зарчим (Матай 7:12)
Та нар хүмүүсийг өөрсдөдөө хэрхэн хандаасай гэж хүссэнээрээ өөрсдөө ч тэдэнд тийнхүү ханд. (Матай 7:12)
Жаргалангийн номлол (Матай 5:3-12)
Жаргалантай яа, ядуу даржин сүнсээр амьдарч буй хүмүүс жаргалтай яа! Учир нь тэнгэрийн хаанчлал тэднийх юм.
Жаргалантай яа, гашуудаж буй хүмүүс жаргалтай яа!
Учир нь тэднийг тайтгаруулж болох юм.
Жаргалантай яа, дөлгөөн зантай хүмүүс жаргалтай яа!
Учир нь газар дэлхий тэдний өв хөрөнгө болох юм.
Жаргалантай яа, шударга ёсоор цангаж өлсөж буй хүмүүс жаргалтай яа! Учир нь тэд хангалуун болох юм.
Жаргалантай яа, нигүүлсэгч хүмүүс жаргалтай яа! Учир нь тэд нигүүлслийг хүртэх юм.
Жаргалантай яа, цэвэр сэтгэлтэй хүмүүс жаргалтай яа! Учир нь тэд Тэнгэрбурханы билгийн хараатай болох юм.
Жаргалантай яа, амар тайвнаар зүтгэгч хүмүүс жаргалтай яа! Учир нь тэд Тэнгэрбурханы хөвгүүд гэж алдарших юм.
Жаргалантай яа, шударга ёсын төлөө хэлмэгдэж буй хүмүүс жаргалтай яа! Учир нь тэнгэрийн хаанчлал тэднийх юм.
Жаргалантай яа, надаас болж хүмүүс та нарыг доромжилж, хяхаж, та нарын эсрэг хуурамчаар гүтгэхийн цагт та нар жаргалтай яа!
Тэнгэр дэх шагнал тань агуу болох тул баясан цэнгэгтүн!
(Матай 5:3-12)
Шашны үндсэн долоон ёслол
- Ариун угаал:
бид түүгээр Христийн сүсэгтэн, Тэнгэрбурханы хүүхдүүд, Ариун нандин Шашны гишүүд, тэнгэрийн өв залгамжлагчид болдог. - Бататгал:
Хүчирхэг, төгс Христийн сүсэгтэн ба Христийн бараа бологчид болгодог Ариун Сүнсийг бид түүгээр хүлээн авдаг. - Ариун Эвхарист:
Энэ нь талх ба дарсны үзэгдэх байдлын дор бодитоор, үнэнээр, илтээр орших Есүс Христийн Бие ба Цус, Сүнс ба Тэнгэрлэг мөн чанар юм. Ариун Эвхарист нь гагц Үндсэн ёслол биш, басхүү Өргөл тахил юм. Үндсэн ёслолоор бид сүнснийхээ амин зуулгын төлөө тэнгэрлэг Эзэнийг хүлээн авдаг, тэр нь тахилын ширээний дээр бишрэн хүндлэгдэх бодитоор орших оршихуй билээ. Мөн түүнчлэн Ариун Эвхарист нь Есүс Христийн Бие ба Цусанд хувирсан талх ба дарсыг аравнайлах үед, бидний төлөө Есүс Христийн мөнхийн Эцэгт түүнийг өргөх үед Өргөл тахил болдог, талархал магтаалын Ариун Мөргөлийн Өргөл тахил болдог юм. - Наманчлал:
Ариун Угаалын дараа үйлдэгдсэн гэм нүглүүд түүгээр уучлагддаг. - Өвчтөний Түрхлэг:
Хэрэв Тэнгэрбурхан үүнийг ач тустай гэж харвал, түүгээр аюулт өвчин ба үхлийн өмнө сүнсийг тайтгаруулж, гэм нүглийг зайлуулж, эрүүл мэндийг сэргээдэг. - Ариун Сахил Санваарын Хэргэм:
Хамба лам, санваартан, тахилч нар ариун үүргээ биелүүлэхийн тулд хүч чадал ба хишиг ивээлийг түүгээр хүртдэг. - Гэрлэлт:
Энэ нь Христийн Гэрлэлтийн үндсэн ёслол юм.
Арван бошиг
- Би бол чиний Тэнгэрбурхан Эзэн байна.
- Чи өөрийн Тэнгэрбурхан Эзэний нэрийг дэмий бүү дурд.
- Амралтын өдрийг ариунаар сахихыг эргэн санагтун.
- Эцэг эхээ хүндэл.
- Чи хүн бүү ал.
- Чи бүү завхайр.
- Чи бүү хулгайл.
- Чи хөршийнхөө эсрэг худал бүү гэрчил.
- Чи хөршийнхөө эхнэрт бүү тачаад.
- Чи хөршийнхөө өмчид бүү шуна
Шашны таван тушаал
- Ням гараг хийгээд үүрэгт баярын өдрүүдэд талархал-магтаалын мөргөл (буюу Миса) -д оролцож, тэдгээр өдрүүдийг ариусгахад түйтгэрлэх ямар ч үйл ажиллагаа, ажил хөдөлмөрөөс ангид байх
- Наанадаж, жилд нэг удаа Эвлэрлийн үндсэн ёслолыг хүртэж, гэм нүглүүдээ наманчлах;
- Наанадаж, Амилалтын улиралд Эвхаристын үндсэн ёслолыг хүртэх;
- Шашнаас тогтоосон мацаг барих болон мах идэхийг тэвчих ёсны өдрүүдийг сахих;
- Хүн бүр өөрийн чадвараар Шашны бодит хэрэглээг хангахад туслах зэрэг болно.
Тэнгэрлэг гурван эрдэм буян
- Итгэл бишрэл
- Горьдол найдвар
- Энэрэл хайр
Үндсэн дөрвөн эрдэм буян
- Хянамж болгоомж
- Шудaрга ёс
- Чин бат
- Хашир хэрсүү
Ариун Сүнсний долоон билигт хишиг
- Билиг ухаан
- Оюун ухаан
- Зөв зөвлөгөө
- Хүчин чадал
- Эрдэм мэдлэг
- Сүсэг бишрэл
- Эмээх айдас
Ариун Сүнсний арван хоёр үр шим
- Өглөг буян
- Баяр баясгалан
- Амар амгалан
- Тэсвэр тэвчээр
- Нинжин сэтгэл
- Сайхан ааль
- Өгөөмөр сэтгэл
- Ялдам зан
Бие махбодын долоон нигүүлсэл
- Өлссөнийг хооллох
- Цангасныг ундлах
- Мөр нүцгэнийг хувцаслах
- Гэр оронгүйг орогнуулах
- Өвдсөнийг асрах
- Хоригдлыг эргэх
- Үхсэнийг оршуулах
Оюун санааны долоон нигүүлсэл
- Эргэлзэгчид зөвлөх
- Мунхагийг сэнхрүүлэх
- Нүгэлтнийг засан авах
- Шаналагчийг тайтгаруулах
- Зовиурыг хүлцэх
- Бурууд зөвт хандах
- Үхэгсэд ба үлдэгсдийн төлөө залбирах
Уг үндсэн долоон гэм нүгэл
- Омог бардам
- Хариг харамч
- Савсаг самуун
- Уур хилэн
- Ховдог хомхой
- Атаа жөтөө
- Залхуурал хойргошил
[Уг үндсэн гэм нүглийн] Эсрэг эрдэм буян
- Номхон зан
- Өгөөмөр сэтгэл
- Журамт явдал
- Нинжин сэтгэл
- Хашир хэрсүү
- Ах дүүгийн хайр
- Хянамж болгоомж
Гурван эрхэм сайн үйл
- Даатгал залбирал
- Мацаг барилт
- Өглөг өгөх
Сайн Мэдээний зөвлөмжүүд
- Ганц биеэр журамт явдал
- Ядуу даржин амьдрал
- Дуулгавартай байдал
Эцсийн дөрвөн учрал
- Үхэл
- Шүүлт
- Там
- Тэнгэрийн орон
Өршөөлүүд
Өршөөл гэдэг нь мөхлийн гэм нүглийн гэм буруугаас чөлөөлөгдөгсдөд аль хэдийн уучлагдсан гэм нүглийнх нь төлөө хугацаат ял шийтгэлийг, бүхлээр нь эсвэл хэсгээр нь өршөөн хэлтрүүлэхээр Шашнаас олгосон хэлтрүүлэлт юм.
(1) Мөнхийн ял шийтгэлээс ялгагдах хугацаат ял шийтгэл нь гэм нүглийн ял шийтгэл гэсэн утгатай бөгөөд төгсгөлд, энэ дэлхий ертөнцөд эсвэл ариусгах орон дахь нөгөө ертөнцөд тохиолдох юм. Тэнгэрбурханаас гэм нүгэл болон бүх ял шийтгэлийн хэлтрүүлэлтийг олж авахын тулд гэм нүглийн агуу их гэмшил хангалттай байж болно ; гэвч бидний гэмшлийн бүрэн бус байдлын улмаас гэм нүглийн зарим ял шийтгэл нь гэм нүглийн ангижруулалтын дараа байсаар байдаг.
(2) Өршөөл нь дор дурдан заасан сайн үйлс биелэх нөхцөлд олгогддог; мөхлийн бүх гэм нүглийн гэм буруугаас чөлөөлөгдөөгүй хэн нэгэн тэдгээрийг хүртэж чадахгүй.
(3) Бидний гэм нүгэлд тохирсон хугацаат ял шийтгэлийг өршөөн хэлтрүүлэхийн тулд католик Шашин өршөөлийг олгохдоо бидний Эзэний хязгааргүй хэтийдсэн гавьяа ба түүгээр (зөвхөн хоёрдогчоор) Төгс Жаргалт Цэвэр Охин болон Гэгээнтнүүдийн гавьяаг Тэнгэрбурханд өргөн барьдаг.
(4) Их өршөөл гэдэг нь уучлагдсан гэм нүглийн ял шийтгэлийг бүхлээр нь өршөөн хэлтрүүлсэн хэлтрүүлэлт юм; Бага өршөөл гэдэг нь тэрхүү ял шийтгэлийг хэсгээр нь өршөөн хэлтрүүлсэн хэлтрүүлэлт юм. Олгох их өршөөлийн бүрэн төгс үр дүнд саад тотгор байгаа бол бага өршөөл болдог.
Түүнтэй холбогдох сайн үйлээс гадна их өршөөлийг хүртэх ерийн нөхцөл нь эдгээр болно:
(1) Наманчлалын үндсэн ёслолд сайн үйлийн хэрэгжилтийн тухайн өдөрт эсвэл өмнө болон дараах хэдэн өдрийн дотор оролцоно.
(2) Ариун Нэгдэлд сайн үйлийн хэрэгжилтийн тухайн өдөрт эсвэл өмнө болон дараах хэдэн өдрийн дотор оролцоно.
(3) Пап ламын зориулахуй гуйлтын төлөөх даатгал залбирал. Үүний тул, сүсэгтнүүд хувийнхаа сүсгээр өөр бусад даатгал залбирлыг хэлэх чөлөөтэй боловч нэг Эцэг минь ээ, нэг Амар амгалан Мариа минь ээ-ийн уншлага хангалттай.
Ариун Нэгдэл болон Пап ламын зориулахуй гуйлтын төлөөх даатгал залбирал сайн үйлийг хийх өдөрт тохиолдвол зөв зүйтэй гэж зөвлөдөг. Үхлийн мөчид хүлээн авах боломжтой их өршөөлийн онцгой тохиолдлыг эс тооцвол аль нэг өдөр цорын ганц их өршөөлийг хүртэж болно. Наманчлалын нэг үндсэн ёслол нь хэдэн их өршөөлийг хүртэхэд хангалттай. Гэвч их өршөөл бүрийн төлөө Нэгдлийг хүлээн авах хэрэгтэй ба Пап ламын зориулахуй гуйлтын төлөөх даатгал залбирлыг унших хэрэгтэй.
Бүх өршөөлүүд нь талийгаач сүсэгтэнд хамаарагдах болно.