Улаанбаатар хотоос хойд зүгт, ой модоор хүрээлэгдсэн нам гүм байгальд орших “Намуухан хүнгэнэх дуу” бясалгалын төв нь залбирал үйлдэх, эргэцүүлэн тунгаах болон сүнслэг түвшинд шинэчлэгдэхэд зориулсан тайван амгалан орчин юм.

Энэхүү төвийн нэрний утга учрыг Библи дэх эш үзүүлэгч Элияагийн түүхээс тольдож болно. Элияа Тэнгэрбурхантай хүчит салхи, аймшигт газар хөдлөлт эсвэл дүрэлзсэн гал дунд бус, харин намуухан хүүгэх чимээгээр уулздаг. Үүний нэгэн адил тус төв нь зочиддоо Тэнгэрбурханы дөлгөөн оршихуйг мэдэрч, дуу хоолойг нь сонсож, Үгээр нь шинэчлэгдэх тусгайлсан орон зайг бүрдүүлдэг билээ. Ирсэн зочид залбирал болон аниргүй байдлаар дамжуулан Тэнгэрбурханы оршихуйг биечлэн мэдэрч, намуун ахуйд Түүнтэй зүрх сэтгэлийнхээ гүнд учрах нандин бэлгийг өөртөө нээдэг.

“Намуухан хүнгэнэх дуу” бясалгалын төв бол сэтгэлийн амралт, сүнслэг шинэчлэлийг эрж буй хэн бүхэнд, мөн Эзэнтэй тогтоосон харилцаагаа гүнзгийрүүлэхийг хүссэн хүн бүрт зориулсан газар юм. Хувь хүмүүс, гэр бүлүүд, залуучуудын бүлгүүд болон томилгоот үйлстнүүд өдөр тутмын завгүй хэмнэлээс түр хөндийрч, итгэл бишрэлээсээ ахин хүч олж авахад тус төвийн үүд хаалга үргэлж нээлттэй байх болно.

Цагийн хуваарь болон холбоо барих

• Бямба гараг бүр 11:00 цагт Талархал магтаалын мөргөлтэй. Түүнчлэн наманчлал үйлдэх эсвэл өдрөөр энгийн бясалгал хийх боломжтой.

• Бусад өдрүүдэд бясалгал болон сүнслэг өсөлт төлөвшлийн дасгал хийхийг хүсвэл бидэнтэй daniele_giolitti@yahoo.it холбогдоно уу.