Католик Шашны тэргүүн Пап XIV Лео Апостолик айлчлалынхаа хүрээнд 2025 оны 11 сарын 17-нд Ливанд айлчилж, Бейрут хотын Мартирын талбайд шашны удирдагчидтай уулзлаа. Энэ нь 2012 онд Пап Бенедикт XVI-ийн хийсэн айлчлалаас хойш Ливанд болсон анхны пап айлчлал юм.

Пап Лео XIV  Ливан улс дахь айлчлалынхаа үеэр 2020 оноос хойш шийдэгдээгүй “Бейрут боомтын дэлбэрэлт”-н асуудалд анхаарал хандуулан хохирогчдын дурсгалыг хүндэтгэсэн нь шударга ёс, энх тайвныг эрэлхийлэхийг уриалсан хүчтэй дохио болсон.

Энэхүү айлчлал нь зөвхөн шашны холбогдолтой үйл явдал биш, харин улс төрийн хуваагдлыг даван туулах, энх тайвныг сэргээх, ард түмнийг эв нэгдэлд уриалах бэлгэдэл болсон юм. Түүний барьсан бэлэг, өргөсөн залбирал, сонгосон газрууд бүгд Ливаны ард түмэнд найдварын гэрэл асааж, дэлхий дахинд энх тайвны мэдээг түгээсэн айлчлал болж өндөрлөлөө.